Kwamamaza

Kigali: Amaze imyaka itanu arara hanze yirinda ubukode; agamije kwiyuzuriza inzu ye

Yanditswe kuya 17-11-2016 saa 15:35' na Thamimu Hakizimana


Umugabo w’imyaka 40 uvuka mu Murenge wa Byimana, mu Karere ka Ruhango, avuga ko amaze imyaka itanu mu Mujyi wa Kigali arara hanze yanga gutanga amafaranga y’ubukode bw’inzu kugira ngo yuzuze iye iherereye aho avuka.

Uyu mubyeyi w’abana bane, yemeza ko iyo myaka yose ayimaze akora akazi ko kwikorera imizigo (ubukarani) mu Karere ka Nyarugenge, mu Mujyi wa Kigali.

Hashize imyaka itanu yaranze gutanga amafaranga y’ubukode bw’inzu mu mujyi wa Kigali aho akorera, ashaka gukura mu bukode umuryango we umazemo imyaka 16.

Avuga ko akazi ko kwikirera imizigo mu Mujyi wa Kigali kamutunze n’umuryango we bitewe n’uko ku munsi adashobora kubura amafaranga ibihumbi bine cyangwa bitanu atahana.

Yemeza ko nubwo atahana ayo mafaranga yose ariko adashobora gukodesha inzu yo kubamo, kuko ngo kuva yagera i Kigali atararara mu nzu na rimwe bitewe n’uko yahisemo kujya yirarira hanze nko muri za ruhurura no mu tuzu abagenzi bategererezamo imodoka kugira ngo yuzuze inzu ye y’ibyumba bine ari kubaka ku ivuko.

Yagize ati “ Njye nirarira muri za ruhurura cyangwa muri izi nzu abagenzi bicaramo bategereje imodoka kuko nasanze gukodesha inzu yo muri Kigali bitatuma niyuzuriza iyanjye kandi nyikeneye.”

Uyu mugabo avuga ko iyo ashaka koga ajya mu mugezi wa Nyabugogo akaba ariho yogera.

Ahamya ko kuri we kurara hanze ntacyo bimutwaye ndetse ko nta n’ipfunwe bimutera kuko abikora azi neza icyo agamije.

Akomeza avuga ko yahisemo kudakodesha inzu kubera ko yasanze hari byinshi mu buzima bwe aba akeneye kurusha kurara mu nzu.

Yagize ati “ None se nk’ubu ndara mu nzu abana banjye n’umugore baburaye byaba bimaze iki koko? Nanze gukodesha inzu z’i Kigali kuko zihenze kandi bikanaterwa ahanini n’uko mba nkeneye n’amafaranga y’ishuri y’abana banjye barimo n’imfura yanjye yiga mu mashuri yisumuye i Muhanga.”

Uyu mugabo avuga ko afite icyizere cy’uko umwaka wa 2017 uzatangira atakirara hanze bitewe n’uko inzu ye ibura gato ngo yuzure kugira ngo umuryango we uve mu bukode umazemo imyaka irenga 16.

Uyu mugabo ngo yahisemo kurara hanze kugira ngo yuzuze inzu ye ari kubaka ku ivuko
Avuga ko arara mu tuzu abagenzi bategererezamo imodoka yanga gukodesha inzu i Kigali

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved