Kwamamaza

Kigali:Abasirikare bo muri Zambia bishimiye ibyo u Rwanda rwagezeho mu myaka 22

Yanditswe kuya 26-09-2016 saa 20:10' na Mukaneza M.Ange


Itsinda ry’abanyeshuri biga mu ishuri rya gisirikare muri Zambia bari mu rugendoshuri bashimye intambwe u Rwanda rumaze gutera nyuma y’imyaka 22 Jenoside yakorewe abatutsi ihagaritswe.

Ubwo basuraga icyicaro cy’Ingabo z’u Rwanda, RDF kuri uyu wa 26 Nzeri 2016, iri tsinda rigizwe n’abasirikare bakuru 24 ryagaragaje ko uburyo u Rwanda rwabashije kwigobotora amateka mabi ya Jenoside no kongera kwiyubaka ari isomo rikomeye kuri bo.

Umuyobozi w’Ishuri rikuru rya Gisirikare muri Zambia, Brig. Gen Sitali Dennis Alibuzwi waje ayoboye iri tsinda yavuze ko ari ingenzi cyane ko abanyeshuri babyumva kuko ari bimwe mu masomo biga.

Ati “ Uramutse urebye u Rwanda mu 1994, ukareba n’u Rwanda ubu, ni ahantu habiri hatandukanye. Hari ubushake bwa politiki, ubwitange bwa buri wese mu gihugu. Barenze amateka kugira ngo bubake u Rwanda rushya.”

Brig. Gen Alibuzwi yakomeje avuga ko kandi uretse kuba bazakura isomo ku bijyanye n’uko u Rwanda rwabashije kongera kwiyubaka, bazaniga ibijyanye no gutera ibiti.

Ati “Twizeye kwiga amasomo menshi, rimwe muriyo ni gahunda yo gutera ibiti yazanye isuku binyuze mu gutanga umwuka mwiza, gusukura ahantu hadukikije ndetse n’ubushake bw’abaturage mu gukora ibikwiye. Iri ni isomo tuzajyana iwacu, tukagerageza kubishyira mu bikorwa.”

Muri uru ruzinduko rwatangiye ku itariki 24 Nzeri rukazasozwa kuwa 2 Ukwakira 2016, aba basirikare bazasura ibikorwa bitandukanye birimo inganda, amashuri ya gisirikare ndetse n’ibigo by’ubucuruzi bishamikiye ku ngabo z’u Rwanda.

Ku itariki ya 25 Nzeri 2016, basuye urwibutso rwa Jenoside rwa Kigali ku Gisozi, aho bunamiye inzirakarengane z’abatutsi barenga ibihumbi 250 bahashyinguye.

Umuyobozi w’Ishuri rikuru rya Gisirikare muri Zambia, Brig. Gen Sitali Dennis Alibuzwi yishimiye iterambere u Rwanda rwagezeho
Gen. Patrick Nyamvumba(iburyo)yakira impano yatanzwe n'Igisirikare cya Zambia
Umuyobozi w’Ishuri rikuru rya Gisirikare muri Zambia, Brig. Gen Sitali Dennis Alibuzwi ashyikiriza impano Gen. Patrick Nyamvumba, Umugaba Mukuru w'Ingabo mu Rwanda
Brig. Gen Sitali Dennis Alibuzwi yakira impano yatanzwe n'Igisirikare cy'u Rwanda
Abasirikare baturutse muri Zambia n'ab'u Rwanda mu ifoto rusange

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved