Kwamamaza

Kigali: Abakuru b’Imidugudu barasaba gutemberezwa muri KCC

Yanditswe kuya 31-08-2016 saa 13:44' na Ntakirutimana Deus


Kigali Convention Center(KCC) inyubako yashimwe n’abaperezida ba Afurika ubwo bayikoreragamo inama y’Umuryango wa Afurika Yunze Ubumwe, iteye amashyushyu urwego rwa kabiri rutorwa n’abaturage bose mu Rwanda.

Minisitiri w’Ubutegetsi bw’Igihugu Francis Kaboneka, akunda kubwira abakuru b’imidugudu ko niba hari abantu bakomeye mu gihugu, ari Perezida wa Repubulika na bo, kuko aribo batorwa n’abaturage bose.

Imbere ya Minisitiri Kaboneka, Rekeraho Jonathan, umukuru w’Umudugudu w’Ubumwe, mu Kagari ka Kimihurura mu murenge wa Kimihurura ho mu karere ka Gasabo yasabye Umuyobozi w’Akarere ka Gasabo Rwamulangwa Stephen ko yazabafasha bakagera mu nyubako ya Kigali Convention Center bumva abandi barahirira, nyamara bo batarayisura kandi ibegereye, ndetse ibarizwa no mu karere kabo.

Yagize ati “ Turasaba Meya ko yazajya kudutembereza muri Convetion Center, turaza kwicara hamwe na we tumwongorere ko yazajya kuhadutumbereza kugira ngo hatazagira ababidutanga.”

Mu kiganiro na IGIHE, Umuyobozi w’akarere ka Gasabo Rwamulangwa Stephen yavuze ko abakuru b’imidugudu ari abantu bakomeye, ku buryo icyo basaba batakimwa, ariko ngo bazategura ibijyanye n’icyo gikorwa.

Ati “Bisaba amikoro kuko muri Gasabo hari imidugudu 482 urumva ko ari hafi 500, turimo kubyigaho tureba tuti ’ese tuzahatemberera, twicare tuganire niturangiza tugende tutahafashe fanta, cyangwa se tuzahaganirira fanta tuyifate ahandi, urumva ko ari ibintu tugomba kwigaho.’”

Rwamulangwa yavuze ko mu biganiro bazagirana n’abo bayobozi bazarebera hamwe aho bageze bashyira mu bikorwa imihigo nyuma y’aho baviriye mu itorero ryabo.

Iyi nyubako yanyuze benshi kubera ubwiza bwayo iherutse gusurwa n’abamugariye ku rugamba hagamijwe kureba aho igihugu bitangiye mu kwibohora kigeze cyiyubaka, dore ko bayumvaga nk’amateka.

Abakuru b'Imidugudu barifuza gutemberezwa mu nyubako ya Kigali Convention Center
Kigali Convention Center ifite amatara yaka mu mabara adasanzwe mu masaha y'ijoro
Bimwe mu bice bigize Kigali Convention Center mo imbere

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved