Kwamamaza

Kicukiro: Uwamwiza aratabariza umwana we urwaye ikibyimba cyamuteye ubuhumyi

Yanditswe kuya 24-10-2016 saa 19:26' na Emma-Marie Umurerwa


Umubyeyi witwa Uwamwiza Angelique utuye mu Karere ka Kicukiro mu Murenge wa Nyarugunga, aratabariza umwana we wagize ikibazo cy’ubuhumyi yatewe n’ikibyimba yarwaye hafi y’ubwonko, none ngo akaba agowe no kubona ibihumbi 240 by’amanyarwanda abaganga bamusabye ngo avurwe.

Uyu mubyeyi avuga ko yamenye ko umwana we afite ikibazo cy’ubuhumyi agize amezi atandatu, maze ngo atangira kumuvuza hirya no hino biba iby’ubusa bitewe n’uko batamenyaga icyamuteye ubwo buhumyi.

Yagize ati “Nyuma yo kumuvuza mu bitaro bikomeye bitandukanye, namujyanye ahitwa kuri ‘Agarwal’s Eye Hospital’ nibo bamusuzumye babona ko afite ikibyimba hafi y’ubwonko akaba ari cyo gituma atareba. Baramubaze ariko n’ubundi kureba byaranze, ndetse ubu afite n’ikibazo gikomeye kubera ko atabasha guhumekera mu mazuru.”

Yakomeje agira ati “Ahumekera mu kanwa ku buryo buri kanya biba bisaba ko muha utuzi two kunywa kubera ko haba humye. Umuganga umuvura yambwiye ko hari inyama zo mu mazuru zisa naho zabyimbye cyane zifunga inzira y’umwuka zigatuma adahumeka neza.”

Akomeza avuga ko n’ubwo afite ubwishingizi hari amafaranga asabwa kugira ngo umwana we ufite umwaka umwe n’amezi abiri avurwe.

Ati “Ubwishingizi bambwiye ko batanyishyurira 100%. Ndasabwa amafaranga ibihumbi 240 kugira ngo bamubage izo nyama zo mu mazuru kandi ntayo mfite.”

Uwamwiza avuga ko umugabo we yamutaye inda y’uyu mwana urwaye ifite amezi atandatu, amusigira abandi bana babiri. Kuri ubu ngo nta kazi afite, akaba yifuza ubufasha kugira ngo abashe kuvuza umwana we.

Uwashaka gufasha uyu mubyeyi, yanyuza inkunga ye kuri nimero ye ya telefone 0787145606.

Uyu mwana yarwaye ikibyimba hafi y'ubwonko bimutera ubuhumyi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved