Kwamamaza

Kicukiro: Tigo yifatanyije n’abaturage mu muganda usoza ukwezi

Yanditswe kuya 29-08-2016 saa 14:02' na Ezechiel Mbananabo


Abakozi ba Sosiyete y’Itumanaho ya Tigo Rwanda bayobowe n’Umuyobozi Mukuru wayo, Philip Amoateng bifatanyije n’abaturage bo mu Murenge wa Nyarugunga mu Karere ka Kicukiro mu muganda usoza ukwezi wabaye ku wa Gatandatu tariki ya 27 Kanama 2016.

Ni umuganda wanitabiriwe n’abayobozi batandukanye barimo Umuyobozi wungirije w’Umujyi wa Kigali ushinzwe imibereho myiza y’abaturage, Judith Kazayire, ndetse n’Umuyobozi w’Ingabo mu Mujyi wa Kigali no mu Ntara y’i Burasirazuba, Gen. Mubarak Muganga.

Mu byo bakoze harimo gutema ibihuru mu gishanga cy’i Nyandungu, gusibura imiringoti y’amazi hafi y’iki gishanga ndetse n’ibindi bikorwa bijyanye n’isuku.

Umuyobozi wa Tigo, Philip Amoateng yatangarije IGIHE ko basanzwe bagira uruhare mu bikorwa bigamije guteza imbere imibereho myiza y’abaturage, birimo umushinga “Reach for Change”, kubaka ubushobozi bw’abagore n’ibindi byinshi, kandi ko bazakomeza no kwifatanya n’abaturage mu bikorwa by’umuganda kuko harimo isomo ryiza.

Yagize ati “ Nka Tigo ibi tubiha agaciro, ni imwe mu ntego zacu kandi muri buri muganda tuzakomeza kwifatanya n’abaturage mu bikorwa bitandukanye.Tuzakora ibikorwa by’isuku tunifatanye n’abaturage,ari nako tuganira ku bintu bifitiye igihugu akamaro.”

Yakomeje agira ati “Tuzakomeza kwerekana ubufatanye bwacu n’inzego z’ibanze, ndetse iyo ni yo mpamvu yatumye tuza muri iki gikorwa uyu munsi. Ntabwo ari iby’umunsi umwe gusa kuko buri gihe tugira uruhare mu bikorwa bitandukanye.”

Yagaragaje ko umubare munini w’abakozi ba Tigo ari urubyiruko,kandi ko kubona aho bakoreye umuganda hari isuku ari ingenzi ku iterambere ry’u Rwanda bijyanye na gahunda yarwo yo guteza imbere isuku.

Umuyobozi wungirije w’Umujyi wa Kigali ushinzwe imibereho myiza y’abaturage, Judith Kazayire yashimye abaturage b’Umurenge wa Nyarugunga n’abandi bafatanyabikorwa bitabiriye umuganda, abasaba kugira isuku aho ari ho hose kuko ari yo soko y’ubuzima.

Kugeza ubu Tigo,ifite abakiliya barenga miliyoni eshatu mu Rwanda kuva mu 2009. Mu myaka irindwi imaze ikorera mu Rwanda, yabashije kuzana internet yihuta yo ku rwego rwa 3G na 4G. Yabashije kandi kugeza internet mu modoka zitwara abagenzi ndetse no gutanga serivisi zo kohereza, kubitsa no kubikuza amafaranga hifashishijwe telefone.

Umuyobozi wungirije w’Umujyi wa Kigali ushinzwe imibereho myiza y’abaturage, Kazayire Judith aganira n'Umuyobozi mukuru wa Tigo
Tigo yatanze amazi yo kunywa ku bitabiriye umuganda
Abakozi ba Tigo mu gikorwa cy'umuganda
Abaturage n'abakozi ba Tigo bitabiriye umuganda ari benshi
Umuyobozi w’Ingabo mu Mujyi wa Kigali no mu Ntara y’i Burasirazuba, Gen. Mubarak Muganga nawe yitabiriye uyu muganda

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 1 Ukwakira 2016
Copyright © 2009 -2014 - IGIHE Ltd - All Rights Reserved