Kicukiro: Babiri bagwiriwe n’ikirombe bitaba Imana

Yanditswe na IGIHE
Kuya 2 Mutarama 2018 saa 07:19
Yasuwe :
0 0

Abagabo babiri bagwiriwe n’ikirombe bahita bitaba Imana, ubwo bacukuraga amabuye mu Kagari ka Ayabaraya mu Murenge wa Masaka, ku wa 31 Ukuboza 2017.

Abishwe n’iyi mpanuka ni Habimana Ezechiel w’imyaka 37 na Nshimyumuremyi Alexis w’imyaka 37.

Umuvugizi wa Polisi mu Mujyi wa Kigali, Superintendent of Police (SP) Emmanuel Hitayezu yasabye abantu kwirinda kwishora mu bucukuzi bw’amabuye nta bikoresho bibarinda impanuka, anasaba abakora aka kazi ko na bo bajya bamenya ubuzima bwabo mbere y’uko bishora ahantu hatameze neza kuko bishobora kubaviramo urupfu.

Yagize ati "Abantu bitwararike igihe bagiye gucukura kuko bashobora kugwirwa n’ibirombe bakahasiga ubuzima kandi bitwaze ibikoresho byabugenewe igihe bari muri uwo mirimo. "

Yasabye by’umwihariko abafite sosiyete zicukura amabuye y’agaciro kujya batunganya neza inzira z’aho abakozi babo banyura mu birombe bacukura amabuye, kandi ibirombe bitagikoreshwa bigasibwa.

Yibukije kandi ba nyiri sosiyete zicukura amabuye y’agaciro gushyira abakozi babo mu bwishingizi kandi bakanubahiriza amategeko n’amabwiriza agenga umurimo wabo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza