Abakozi ba COPEDU bakoranye umuganda n’abaturage babakangurira kwizigamira

Yanditswe na Kanamugire Emmanuel
Kuya 29 Kanama 2016 saa 10:36
Yasuwe : XX
0

Umuganda rusange usoza ukwezi kwa Kanama, abakozi ba COPEDU LTD bawukoranye n’abaturage bo mu Murenge wa Nyarugunga mu Kagari ka Kamashashi babashishikariza kwizigamira , bakagurizwa kugira ngo batere imbere.

Uwamariya Caritas, Umuyobozi w’ishami ry’ubucuruzi muri COPEDU LTD, yabwiye abaturage ko kwizigamira ari yo nzira yonyine ishobora kugeza umuntu ku iterambere.

Yagize ati “ Tubazaniye inkuru nziza kuko hashize icyumweru ishami rya Mulindi rifunguwe mu Kagari ka Rudashya, mu isoko rishya tukaba tubashishikariza kurigana. COPEDU LTD yabegereye nk’uko mwabyifuje. Kimwe no ku yandi mashami, ishami rya Mulindi rikora iminsi irindwi kuri irindwi. Kuva kuwa Mbere kugeza kuwa Gatanu rifungura saa moya n’igice za mu gitondo, rigafunga saa moya za nimuguroba, naho kuwa Gatandatu no ku Cyumweru rifungura saa mbiri za mu gitondo rigafunga saa moya za nijoro.”

Muri uyu muganda witabiriwe n’abaturage basaga 400 baturutse mu midugudu icyenda igize Akagari ka Kamashashi, bamwe mu baturage batishoboye bishyuriwe ubwisungane mu kwivuza na COPEDU LTD.

Uwamariya yakomeje agira ati “Roho nzima itura mu mubiri muzima, kandi twifuza gukorana n’abantu bafite ubuzima buzira umuze. Niyo mpamvu buri gihe dutekereza tuti ‘mu bo tugiye gukorana nabo hari abashobora kuba batishoboye, tukabishyurira ubwisungane mu kwivuza. Ubu twishyuriye imiryango umunani igizwe n’abantu barenga 30.’”

Yakomeje avuga ko ishami rya COPEDU LTD ku Mulindi, rije kuvuna amaguru abavaga ku Mulindi, Gasogi, Rusororo, Kanombe n’ahandi bajya gushaka serivisi ku ishami rya Remera na Kimironko.

Komanda Gaston, Umunyamabanga Nshingwabikorwa w’Akagari ka Kamashashi, yashimiye COPEDU LTD, yabateye ingabo mu bitugu.

Yagize ati “Iyi banki ni abafatanyabikorwa bacu, yagize uruhare rukomeye mu guteza imbere umunyarwandakazi. Twanyuzwe n’igikorwa bakoze cyo kwishyurira abatishoboye ubwisungane mu kwivuza, ibi bizadufasha kwesa umuhigo mu bijyanye no kwishyura ubwisungane mu kwivuza.”

Gufunguza Konti (Compte) muri COPEDU LTD ni ubuntu, umukiriya asabwa kuba afite amafoto abiri magufu, fotokipi (photocopie) y’irangamuntu, hamwe n’amafaranga ibihumbi bibiri ahita abitsa kuri konti.

Ku wifuza gukoresha ‘chequier’igura ibihumbi bitatu, cyangwa agahitamo gukoresha agatabo kagura amafaranga 1080, kimwe n’uko hari uwahitamo kubikoresha byombi na byo biremewe.

Abakozi ba Copedu bafashe ibikoresho bagiye mu muganda
Abakozi baCopedu bari mu gikorwa cy'umuganda
Bamwe mu baturage bahise bafungza konti muri Copedu Ltd
Uwamariya Cartas, ushinzwe ishami ry'ubucuruzi abwira abaturage ibyiza byo kwizigamira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza