Kwamamaza

Kicukiro: Abagabo batatu baguwe gitumo bagerageza gukuriramo umukobwa inda

Yanditswe kuya 4-10-2016 saa 16:16' na Emma-Marie Umurerwa


Mu ijoro ryacyeye, abagabo batatu batuye mu Murenge wa Kigarama, baguwe gitumo na Polisi bagerageza gukuriramo umukobwa inda.

Saa yine n’igice z’ijoro nibwo abaturage batuye ahitwa mu Rwampara, bamenyesheje Polisi ko hari umuntu uri gutaka cyane niko guhita nayo itabara.

Umuvugizi wa Polisi mu Mujyi wa Kigali, SP Hitayezu Emmanuel, yatangarije IGIHE ko Polisi ikihagera yasanze abagabo batatu n’umukobwa umwe mu nzu.

Yagize ati “Polisi yahasanze umukobwa uri mu kigero cy’imyaka 24 amerewe nabi bigaragara ko hari ibyo bari bamaze kumuha kugira ngo inda ivemo. Umukobwa yahise ajyanwa ku bitaro bya Kacyiru inda itaravamo, abo bagabo batatu ubu bari kuri Station ya Polisi ya Gikondo.”

Uru rugo rwasanzwemo uyu mukobwa bivugwa ko rusanzwe rukorerwamo ibikorwa byo gukuriramo inda abakobwa. Kuri iki, SP Hitayezu Emmanuel, yavuze ko iperereza rigikomeje.

Gukuramo inda ni icyaha gihanwa n’amategeko mu Rwanda yaba ku wabigizemo uruhare. Ingingo ya 163 mu gitabo cy’amategeko ahana ibyaha iteganya ko ‘umuntu wese ukuramo umugore inda ariko nyir’ubwite atabyemeye, ahanishwa igifungo kuva ku myaka icumi kugeza ku myaka cumi n’itanu. Mu gihe babyemeranyijweho, ukuyemo umugore inda ahanishwa igifungo kuva ku myaka ibiri kugeza ku myaka itanu.

Ikindi kandi umuntu wese ku bw’uburangare cyangwa umwete muke, utuma umugore akuramo inda, ahanishwa igifungo kuva ku mezi atandatu kugeza ku mwaka umwe n’ihazabu y’amafaranga y’u Rwanda kuva ku bihumbi magana abiri kugeza ku bihumbi magana atanu cyangwa kimwe gusa muri ibyo bihano.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved