Kwamamaza

Perezida Kenyatta yatangije amasomo y’abasirikare barimo ab’u Rwanda (Amafoto)

Yanditswe kuya 4-11-2016 saa 10:58' na Rabbi Malo Umucunguzi


Perezida Uhuru Kenyatta yatangije amasomo y’Abofisiye bato basaga 100, baturuka mu bihugu bya Afurika y’u Burasirazuba birimo Kenya, u Rwanda, Tanzania, Uganda n’u Burundi, bakazatahukana impamyabumenyi y’icyiciro cya kabiri cya Kaminuza mu masomo ya gisirikare.

Muri iki gikorwa cyabaye kuri uyu wa Kane mu ishuri rikuru rya gisirikare, Kenya Military Academy, riherereye i Lanet muri Nakuru, yavuze ko iri tsinda nirirangiza amasomo mu Ukuboza 2016, riziyunga ku bandi basirikare mu guhangana n’iterabwoba n’ubuhezanguni.

Ati “Imitwe y’Iterabwoba n’ubuhezanguni ari kugenda yigaragaza mu buryo budasanzwe, ikabangamira bikomeye ubuzima bwacu kandi igahungabanya Isi yose muri rusange.’’

Igihugu cye cya Kenya by’umwihariko, gihanganye bikomeye n’umutwe wa Al Shabaab ukorera mu gihugu cy’abaturanyi cya Somalia, ukomeza kwica abaturage ndetse ukagenda wototera n’ibindi bihugu bya Afurika y’Iburasirazuba.

Ati “Twarwanye nabo muri Somalia kandi tuzakomeza guhangana n’ububi bwabo n’umuhate ukomeye. Tuzarwana kugeza aya matsinda y’ikibi yose asenyutse. Nta kosa na rimwe mugomba gukora, turashaka gutsinda iyi ntambara.’’

Aba basirikare bazatahana impamyabumenyi mu bya gisirikare, ‘Bachelor of Science degree in military studies’, izatangwa ku bufatanye bwa Kenyatta University.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved