Kwamamaza

Kenya yatangiye gukura ingabo zayo muri Sudani y’Epfo

Yanditswe kuya 10-11-2016 saa 07:40' na Cyprien Niyomwungeri


Abasirikare ba Kenya bagera ku 100 ejo kuwa Gatatu bageze i Nairobi bakuwe mu butumwa bwo kubungabunga amahoro muri Sudani y’Epfo.

Iki ni icyiciro cya mbere nyuma y’uko Kenya ifashe icyemezo cyo gukura ingabo zayo zigera ku 1000 muri Sudani y’Epfo bitewe no kwirukana Umunyakenya wayoboraga ingabo z’Umuryango w’Abibumbye muri icyo gihugu UNAMISS.

Mu cyumweru gishize Umunyamabanga w’Umuryango w’Abibumbye Ban Ki moon yirukanye Umunyakenya Lt Gen Johnson Mogoa Kimani Ondieki wayoboraga UNAMISS, nyuma ya raporo yagaragajwe ivuga ko ingabo yari ayoboye zananiwe kurengera ubuzima bw’abasivile muri Nyakanga uyu mwaka, ubwo imirwano yuburaga muri Sudani y’Epfo.

Mu kwakira izo ngabo ku kibuga cy’indege mpuzamahanga cya Nairobi, ibinyamakuru bitandukanye byanditse ko Maj Generali Benjamin Biwott yavuze ko batangiye gushyira mu bikorwa icyemezo cya Perezida Uhuru Kenyatta.

Yagize ati “Uyu munsi twatangiye gukura ingabo muri Sudani y’Epfo. Turishimye kandi dushishikajwe no gutanga umusanzu mu butumwa bw’amahoro. Dutanga umusanzu wo kubungabunga amahoro kuva mu 1979 mu bihugu 24.”

Kenya ifite ingabo zibungabunga amahoro mu duce twa Wau, Aweil na Kuajok.Utu duce turi mu twayogojwe cyane n’imirwano.

Kenya yatangiye gukura abasirikare bayo muri Sudani y'Epfo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved