Kwamamaza

Karongi: Abanyeshuri bavuye muri Israel baremeye abarokotse Jenoside

Yanditswe kuya 27-10-2016 saa 21:52' na Ntakirutimana Deus


Abanyeshuri bo mu cyiciro cya cyenda cy’abongererwa ubumenyi mu buhinzi n’ubworozi muri Israel, baremeye abatishoboye barokotse Jenoside yakorewe Abatutsi bo mu karere ka Karongi, baboroza ihene babaha n’umuganda.

Biciye mu musanzu w’abo banyeshuri bagera ku 100, baguriye ihene 50 iyo miryango ku gaciro k’amafaranga y’u Rwanda akabakaba miliyoni, baziyishyikiriza ku wa Gatatu tariki ya 26 Ukwakira 2016.

Kansime George ,umuyobozi w’iryo tsinda ry’abanyeshuri basoje amahugurwa muri Israel muri 2015-2016 yavuze ko bakoze icyo gikorwa mu rwego rwo gushima leta kubera ibyiza yagiye ibagezaho.

Ati “Umugambi n’icyo gitekerezo twabigize kubera ko dufite leta idukunda. Yaduhaye buruse turiga muri kaminuza iduha n’iyindi tujya muri Israel kugira ngo twongere ubumenyi, ni muri urwo rwego twavuze ngo mu buryo bwo kwitura urwo rukundo leta yatugiriye, reka dutegure iki gikorwa cyo kuremera abacitse ku icumu rya Jenoside yakorewe abatutsi mu 1994.”

Yasabye abahawe ayo matungo kuyafata neza abazabafasha kwiteza imbere, ndetse bakazoroza n’abandi.

Yasabye kandi urubyiruko kutazatezuka kuri uwo muco mwiza wo gukora ibikorwa by’urukundo bigamije kubaka igihugu.

Mutabazi Moise, Umuhuzabikorwa wa Komisiyo y’igihugu yo kurwanya Jenoside mu turere twa Karongi na Rutsiro, yashimiye urwo rubyiruko umusanzu warwo, abasaba kuzakomeza uwo murongo mwiza.

Yasabye abahawe ayo matungo kuyitaho, bagira ikibazo bakitabaza inzego zibishinzwe, kugeza abahaye umusaruro uzabafasha kwiteza imbere.

Bamwe mu bafashijwe bashimye ubwo bufasha basezeranya ko bazabwifashisha mu kubateza imbere.

Nkurikiyimana Eliezel uba mu mudugudu w’abana bibana bacitse ku icumu rya Jenoside, yavuze ko bahereye ku bwitange bw’abo banyeshuri baje kubafasha, biyemeje kubyaza umusaruro ayo matungo.

Murebwayire Geneviève na we wo mu kagari ka Gacaca mu Murenge wa Rubengera yavuze ko yakiriye neza iryo tungo yahawe kuko ngo nta yandi matungo yari yoroye.

Usibye aya matungo umuryango umwe wabumbiwe amatafari yo kubaka inzu ngo uzabone aho kurambika umusaya mu minsi iri imbere.

Buri mwaka leta y’u Rwanda yohereza abanyeshuri barangije mu mashami y’ubuhinzi n’ubworozi muri za kaminuza zo mu Rwanda, kujya guhaha ubumenyi muri Israel nk’igihugu cyateye imbere muri urwo rwego.

Itsinda ry'abanyeshuri bavuye kwiga muri Israel baremeye abarokotse Jenoside
Amatungo yashyikirijwe abarokotse Jenoside batishoboye
Aba banyeshuri bakoze umuganda babumbira umuryango umwe amatafari yo kubaka inzu

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved