Kwamamaza

Kamonyi: Impanuka y’imodoka yahitanye 11 abandi 18 barakomereka

Yanditswe kuya 20-10-2016 saa 08:05' na Ntakirutimana Deus


Abantu 11 baguye mu mpanuka y’imodoka yabereye mu Murenge wa Musambira mu Karere ka Kamonyi mu ijoro ryakeye.

Iyo mpanuka yabaye ahagana saa moya n’igice, ubwo imodoka ya rukururana yagonganaga na Toyota Coaster yari irimo abagenzi 28 ahitwa i Karengera mu mudugudu wa Nyarusange.

Mu kiganiro RBA yagiranye n’Umuvugizi w’Ishami rya Polisi y’u Rwanda rishinzwe umutekano wo mu muhanda, CIP Kabanda Emmanuel yatangaje ko abantu 11 bahise bagwa muri iyo mpanuka.

Kabanda ati “ Abahasize ubuzima kugeza ubu turabara 11, hanyuma abagera kuri 18 barakomereka. Baba abapfuye n’abakomeretse bashyikirijwe ibitaro bya Kabgayi.”

CIP Kabanda yavuze ko iperereza ryatangiye gukorwa n’abagenzacyaha ba polisi ngo hamenyekane icyateye iyo mpanuka.

Mu nama yagiriye abatwara ibinyabiziga yabasabye kubahiriza amategeko y’umuhanda kuko iyo habaye impanuka ari ikimenyetso cy’uko hari amategeko atubahirijwe.

Abashoferi kandi bagomba koroherana mu muhanda ndetse bakarangwa no kwigengesera, batibagiwe kureba ko n’ibinyabiziga batwaye byakorewe igenzura ry’ibinyabiziga.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved