Kaminuza ya Mount Kenya mu Rwanda igiye guhabwa ubwigenge busesuye

Yanditswe na Mukaneza M.Ange
Kuya 9 Ukwakira 2018 saa 05:10
Yasuwe :
0 0

Kaminuza ya Mount Kenya ishami ry’u Rwanda, igiye guhabwa na guverinoma ibyagombwa biyemerera gukora nk’ikigo cyigenga, kidashamikiye kuri kaminuza yo muri Kenya.

Iyi ni inkuru nziza ku banyeshuri bayo bajyaga barangiza amasomo bakajya gufatira impamyabumenyi i Thika muri Kenya, kuko ishami ryo mu Rwanda ryari ritaragira uburenganzira bwo kuzitanga.

Ibaruwa ubuyobozi bw’Inama Nkuru y’Amashuri Makuru na Kaminuza (HEC) bwandikiye MKU, ivuga ko nyuma yo guhabwa iki cyangombwa izahindura izina ikitwa Mount Kenya International University of Technology.

Muri iyi baruwa, Umuyobozi Mukuru wa HEC, Dr Emmanuel Muvunyi, yavuze ko bagendeye ku busabe bwa MKU yifuza guhinduka Mount Kenya International University of Technology, babishyigiye, bayisaba kugaragaza uko bazashyira mu bikorwa iby’ibanze basabwa kubahiriza.

Umuyobozi w’Icyubahiro wa MKU ari nawe wayishinze, Dr Simon Gicharu, yasobanuye ko umwanzuro wo gusaba ko ishami ry’u Rwanda ryigenga bawufashe mu rwego rwo gukemura ibibazo bishingiye ku guhora bambuka imipaka mu migenzurire yayo.

Ati “ Hamwe n’umubare w’abanyeshuri ukomeje kwiyongera aho ubu basaga 2000, twatekereje ko byaba byiza MKU Rwanda ihawe ububasha bwo kwigenzura kugira ngo irusheho kubaha serivisi nziza. Kandi guverinoma y’u Rwanda ikomeje kudufasha. Ibi turabibashimira cyane.”

MKU Rwanda yafunguye imiryango mu 2010, iangira yigishiriza ahantu hatatu hatandukanye ariko yamaze guhuriza amashami yose mu nyubako igezweho mu Kagarama, mu Karere ka Kicukiro.

Ishami rya MKU mu Rwanda rigiye kwigenga

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza