Kwamamaza

Kagugu: Abaturage bahize kwiyubakira umuhanda w’imodoka nini

Yanditswe kuya 6-08-2016 saa 11:54' na Thamimu Hakizimana


Abaturage bo mu Kagari ka Kagugu mu Murenge wa Kinyinya bahize kwiyubakira umuhanda uzajya unyuramo imodoka nini ngo bakemure ikibazo cy’umubyigano wazo n’abantu.

Uyu muhigo aba baturage basaga ibihumbi 34 bo mu Kagari ka Kagugu bawuhize kuri uyu wa Gatanu tariki ya 5 Kanama 2016 mu muhango wo kwishimira umusaruro babonye wabaye ku munsi w’umuganura wabereye mu rwunge rw’amashuri rwa Kagugu.

Aba baturage bavuga ko biyemeje kwiyubakira umuhanda uturuka ku rwunge rw’amashuri rwa Kagugu akanyura i Batsinda kugeza ku kimoteri cy’i Nduba mu rwego rwo kugira ngo amakamyo atazajya anyura muri Santere (Centre) ya Batsinda kubera ko bibuza abantu kugenda bisanzuye mu rwego rwo kwirinda impanuka.

Nzamukosha Carine yagize ati “ Bizadufasha kwirinnda impanuka mu ga santere ka Batsinda n’urujya n’uruza rw’amamodoka arimo ibikamyo byari bisigaye bihanyura buri gihe no kugira ngo bitwoherereze mu bijyanye n’ubuhahirane kuko abantu bazajya bagera aho bashaka kujya mu gihe gito.”

Musengimana Augustin we yagize ati “ Amakamyo yagendaga asunika abantu ku buryo bitewe n’ubwinshi bwayo uba ubona bari hafi kugwa mu mapine cyane cyane nk’ababyeyi baba bahetse abana.”

Meya w’Akarere ka Gasabo Rwamurangwa Stephen we avuga uyu muhigo wo kubaka undi muhanda wunganira uwo bari basanganywe aba baturage bahize ari igikorwa cy’indashyikirwa ngo cyane cyane ko uzagabanya impanuka.

Yagize ati “ Ni byiza kuko bizagabanya urujya n’uruza mu ga santere ka Batsinda ku buryo abantu bazajya bagenda neza batikanga impanuka, ndetse biragaragara ko babitekereje kuko aribyo babonaga ko bakeneye kurusha ibindi.”

Yakomeje agaragaza ko bazafatanya n’aba baturage igihe cyose bazaba bifuza ubufasha mu bintu bazaba babona ko badashoboye kwikorera.

Abaturage bari bitabiriye ibirori byo kwizihiza umunsi w'umuganura mu Kagarika Kagugu
Abaturage bakina imikino igaragaza uko umuganura wakorwaga hambere
Rwamurangwa Stephen, Umuyobozi w'Akarere ka Gasabo

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved