Kwamamaza

Kaduha:Imvura idasanzwe yasize iheruheru abaturage

Yanditswe kuya 21-11-2016 saa 20:50' na Philbert Hagengimana


Imvura idasanzwe yaguye mu Kagari ka Kavumu, umurenge wa Kaduha mu Karere ka Nyamagabe yasize iheruheru benshi, dore ko yabasenyeye inzu, ku buryo bamwe nta n’aho kwikinga bafite, imirima igakunduka, imyaka yari irimo ikahatikirira.

Iyi mvura ivanzemo urubura n’umuyaga mwinshi yaguye mu mugoroba w’uyu wa Mbere tariki ya 21 Ugushyingo, ikamara iminota itageze kuri 30, ariko igasenya inzu zisaga 30 ikangiza na hegitari umunani z’imirima yari ihinzemo imyaka.

Umukozi w’Umurenge wa Kaduha, ushinzwe imari n’ubutegetsi, Mpamyukuri Sauveur yatangarije IGIHE ko iyo mvura yaguye mu gihe gito ariko ikangiza byinshi nubwo nta muntu wari watangazwa ko yaba yahasize ubuzima.

Yagize ati “Ni imvura yaguye nko mu minota 25 gusa, ariko hangiritse ibintu byinshi, inzu 11 zavuyeho ibisenge, izindi 21 ziri mu mudugudu wubakiwe abarokotse Jenoside zirasakambuka, hari n’imirima na yo yangiritse.”

Yakomeje avuga ko hangiritse hegitari ebyiri zari zihinzemo ibirayi, na hegitari eshatu zari zihinzemo ibigori.

Ubuyobozi bw’Umurenge wa Kaduha, ku bufatanye n’izindi nzego nk’iz’umutekano, burimo bakora ubutabazi bw’ibanze burimo no gushakira amacumbi abasizwe iheruheru n’ibyo biza by’imvura n’umuyaga, mu gihe hagitegerejwe ubufasha bwatuma abo baturage bahita basanirwa inzu zabo bagasubira mu byabo.

Kugeza ubu bamwe bacumbikiwe mu nyubako y’ibiro by’Umudugudu wa Bamba mu Kagari ka Kavumu.

Abaturage bacumbikiwe mu Biro by'Umudugudu
Ibisenge bya zimwe mu nzu byagurutse
Iyi mvura yari irimo urubura rwinshi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved