00:00:00 IGIHE NETWORK KN KINYARWANDA EN ENGLISH FR FRANCAIS

Itsinda ry’abapolisi 143 ryasoje ubutumwa bwa Loni muri Sudani y’Epfo

Yanditswe na Muhonzire Sylvine
Kuya 7 Ugushyingo 2021 saa 07:58
Yasuwe :
0 0

Abapolisi b’u Rwanda 143 bageze mu Rwanda bavuye muri Sudani y’Epfo aho bari bamaze umwaka mu butumwa bw’Umuryango w’Abibumbye bugamije kubungabunga amahoro.

Iri tsinda ryari riyobowe na Senior Superintendent of Police, Nsanzimana Gaston, ryageze ku Kibuga Mpuzamahanga cy’Indege cya Kigali i Kanombe kuri uyu wa 7 Ugushyingo 2021.

Umuyobozi w’Ishami rishinzwe Ibikorwa muri Polisi y’u Rwanda, CP George Rumanzi, wakiriye aba bapolisi, yabashimiye umurava n’ubunyamwuga bagaragaje mu gihe cy’umwaka bari bamaze muri Sudani y’Epfo buzuza inshingano bahawe ndetse bagahagararira u Rwanda neza.

Iri tsinda ryasimbuwe n’irindi ry’abapolisi 160 bahagurutse i Kigali ku wa 6 Ukwakira 2021, bayobowe na SSP Uwimana Grace bagiye mu butumwa bwa Loni bwo kubungabunga amahoro muri iki gihugu.

Nk’abandi bapolisi boherezwa mu butumwa hanze, iri tsinda ryasabwe kuzahagararira u Rwanda neza, rigazasohoza inshingano zaryo kinyamwuga, rikarangwa n’ikinyabupfura ndetse n’ubunyangamugayo.

Abapolisi 143 bagarutse mu Rwanda nyuma y'umwaka bari butumwa bwa Loni bwo kubungabunga amahoro muri Sudani y'Epfo
Aba bapolisi basimbuwe n'abandi 160 bagiye ku wa 6 Ugushyingo 2021
Bakigera ku Kibuga Mpuzamahanga cy'Indege cya Kigali bakurikije amabwiriza yo kwirinda Covid-19
Abapolisi bashimiwe ubunyamwuga bagaragaje mu kuzuza inshingano zabo zo kubungabunga amahoro muri Sudani y'Epfo

Amafoto: Polisi y’u Rwanda


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .