Kwamamaza

Itsinda ry’abadepite bo muri Suède ryatunguwe n’iterambere u Rwanda rugezeho mu myaka 20

Yanditswe kuya 8-09-2016 saa 20:33' na Jean Pierre Tuyisenge


Itsinda ry’Abadepite baturutse muri Suède basuye Komisiyo y’Imibereho myiza y’abaturage mu Nteko Ishinga Amateko y’u Rwanda, kuri uyu wa 8 Nzeri 2016, batangazwa n’iterambere u Rwanda rugezeho mu myaka 22 gusa.

Mu kiganiro bagiranye n’abagize iyi komisiyo basobanuriwe uburyo imikorere yayo bagaragarizwa uburyo abanyarwanda babashije kwiteza imbere binyuze muri gahunda zitandukanye za Leta nyuma ya Jenoside yakorewe abatutsi.

Visi Perezida wa Komisiyo y’Imibereho myiza mu Nteko Ishinga Amategeko ya Suède,Johan Forssell yabwiye IGIHE ko bajyaga bumva amakuru y’u Rwanda bakaba bashimishijwe n’iterambere rwagezeho mu gihe gito.

Yagize ati “ Mu by’ukuri twishimiye iterambere u Rwanda rwagezeho mu gihe cy’imyaka 20 gusa, nyuma y’uko haba amahano ya Jenoside yakorewe abatutsi nk’uko twabyiboneye; u Rwanda rufite umuvuduko udasanzwe.”

Depite Johan Forssell yavuze ko ageze ku rwibutso rubitse imibiri y’abazize Jenoside yakorewe abatutsi yababajwe n’ibyabaye ndetse yongeraho ko bagiye kugira icyo bakora kugira ngo abakoze Jenoside bacyidegembya muri Suède bafatwe.

Perezida w’Inteko Ishinga Amategeko y’u Rwanda, Donatille Mukabalisa, yavuze ko mu bigenza aba badepite harimo kumenya impamvu u Rwanda rwateye imbere mu buryo bwihuse n’uko Komisiyo y’Imibereho myiza y’abaturage nu Nteko ifasha mu guteza imbere abanyarwanda.

Ati “Twabagaragarije uko buri munyarwanda yumva inshingano ze mu byo akora kugira ngo igihugu cyacu kibashe gutera imbere n’uburyo nta wusigaye inyuma bagize uruhare mu byo igihugu cyacu cyabashije kugeraho. Batangajwe n’iterambere u Rwanda rugezeho rirangajwe imbere na Nyakuba Perezida wa Repubulika Paul Kagame.”

Mukabalisa yavuze ko uruzinduko rw’aba badepite rugaragaza neza uburyo u Rwanda rufitanye umubano mwiza n’ibindi bihugu na Suède by’umwihariko.

U Rwanda rusanzwe rufitanye imibanire myiza na Suède wakunze kugaragarira mu burezi aho abanyarwanda basaga 50 boherejwe kwiga muri kaminuza zitandukanye zo muri Suède.

Uyu mubano watangiye nyuma ya Jenoside yakorewe abatutsi ubwo u Rwanda rwafunguraga ambasade i Stockholm mu 2007, Suède na yo iyifungura i Kigali mu 2010.

Abadepite bo muri Suède mu biganiro na Komisiyo y'Imibereho myiza y'Abaturage mu Nteko Ishinga Amategeko y'u Rwanda
Aba badepite bafatiye amafoto ahari ikimenyetso cy'ubutwari bw'ingabo z'u Rwanda

Amafoto:Luqman Mahoro


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved