Itariki yo guherekeza mu cyubahiro Senateri Mucyo yamenyekanye

Yanditswe na Philbert Girinema
Kuya 6 Ukwakira 2016 saa 10:35
Yasuwe :
0 0

Senateri Jean de Dieu Mucyo witabye Imana mu gitondo cyo kuwa Mbere tariki 3 Ukwakira 2016, azaherekezwa mu cyubahiro ejo kuwa Gatanu tariki 7 Ukwakira 2016.

Imihango yo kumuherekeza izatangira kuva saa moya kugeza saa mbili hakirwa umurambo ku bitaro byitiriwe Umwami Faisal biherereye ku Kacyiru, nyuma imiryango, inshuti n’abavandimwe bakamusezeraho iwe i Nyamirambo.

Senateri Mucyo yari amaze umwaka urenga gato ari Umusenateri ariyo mpamvu nyuma yo kumusezeraho mu rugo rwe bizakurikirwa no kumusezeraho mu cyubahiro mu cyumba cy’Inama z’Inteko rusange ya Sena.

Nk’umukirisitu Gatolika, hazaturwa igitambo cya Misa cyo kumusezeraho muri Paruwasi yitiriwe Umubyeyi w’Amahoro ‘Regina Pacis’ i Remera, hakurikireho gushyingura mu irimbi rya Rusororo.

Senateri Mucyo abamuzi bemeza ko yari inyangamugayo, yakundaga abantu, agaca bugufi mbese akaba imfura. Asize umugore n’abana bane, umukobwa umwe n’abahungu batatu.

Inkuru bifitanye isano:

- Senateri Jean de Dieu Mucyo yitabye Imana

Urwibutso Senateri Mucyo yasigiye abo yakoranye na bo

Urupfu rwa Mucyo rwababaje benshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza