Kwamamaza

Israel yasuye ibikorwa by’ubuhinzi bugezweho iteramo inkunga u Rwanda

Yanditswe kuya 21-11-2016 saa 22:03' na Ntakirutimana Deus


Leta ya Israel imaze gushyira amadolari ya Amerika 1 200 000 mu bikorwa bigamije guteza imbere ubuhinzi bugezweho mu Rwanda, bikorerwa mu kigo ntangarugero cy’ikoranabuhanga mu buhinzi kiri ku Mulindi.

Itsinda rigizwe n’Ambasaderi Gi Haskel, Umuyobozi mukuru wungirije muri Minisiteri y’Ububanyi n’Amahanga ya Israel unayobora ikigo cya Israel gishinzwe iterambere mpuzamahanga(MASHAV) aherekejwe na Ambasaderi w’icyo gihugu mu Rwanda, ufite icyicaro muri Ethiopia, ryaje gusura imishinga itandukanye icyo gihugu giteramo inkunga u Rwanda.

Muri urwo ruzinduko batanze ibikoresho bitandukanye bizifashishwa mu mushinga w’ubuhinzi bahuriyeho na leta y’u Rwanda, birimo imashini itera umuti, izihinga n’izitwara umusaruro.

Ambasaderi Gi Haskel yavuze ko ubwo bufatanye bugamije guteza imbere abahinzi b’Abanyarwanda.

Ati “Ikigamijwe ni ukugeza ku banyarwanda, ubumenyi n’ubunararibonye Israel ifite mu buhinzi biciye muri Minisiteri y’Ubuhinzi n’Ubworozi.”

Haskel yakomeje avuga ko ibi bikorwa bizongera imibanire myiza hagati y’ibihugu byombi n’ubundi yari isanzwe ihagaze neza, nubwo ngo ikigamijwe ari ukongera ubushobozi bw’abahinzi bo mu Rwanda bijyanye n’icyerekezo.

Impande zombi zaganiriye kandi ku bijyanye no guteza imbere politiki yo guhanga ibishya no guhanga imirimo mu buhinzi no mu bindi, guhugura ba rwiyemezamirimo bato ndetse n’ibijyanye n’Abanyarwanda bajya kwimenyereza imyuga muri Israel.

Umunyamabanga Uhoraho muri Minisiteri y’Ubuhinzi n’Ubworozi, Kayisinga Jean Claude yavuze ko leta y’u Rwanda yatangiranye na Israel gahunda yo guteza imbere ubuhinzi bw’imboga n’imbuto.

Ati “Dufitanye umubano ukomeye n’igihugu cya Israel mu guteza imbere ubuhinzi bafitemo uburambe; na bo baje babyifitemo ku mutima wabo ko bashaka gukorana n’igihugu cyacu kugira ngo ikoranabuhanga ryateye imbere bafite mu buhinzi, kuba igihugu cyabo gifite imvura nke ariko kigasagurira amasoko nibyo baje kutwigisha ngo tubone ko bishoboka.”

Kayisinga yavuze ko ubwo bumenyi bazabushyira mu bikorwa bifashishije icyo kigo cyiswe ‘Rwanda-Israel Center of excellence for Horticultural Development’ .

Ati “Tuzakorana na bo gufasha abahinzi kumenya ubuhinzi bw’imboga n’imbuto dukoresheje ikoranabuhanga rishyashya bagiye kutuzanira. Ni ibintu bizadufasha kongera umusaruro, aho abahinzi bazajya bakura ubumenyi n’inama zabafasha guteza imbere ubuhinzi bwabo.”

Kayisinga yavuze ko abahinzi b’ingeri zose baturutse mu bice bitandukanye by’u Rwanda bazajya bahererwa amahugurwa muri icyo kigo.

Abazatanga ubwo bumenyi barimo abanyeshuri u Rwanda rwagiye rwohereza muri Israel bavanyeyo ubumenyi butandukanye.

Uyu mushinga uzamara imyaka itanu watangiye muri Nyakanga 2016. Ibijyanye no guhinga bizatangira muri Mutarama 2017 bikorerwa kuri hegitari zirindwi.

Kuri ubu iki kigo gikoreramo Abanyarwanda barimo abahoze ari abanyeshuri bavuye kwimenyereza ibijyanye no guhinga imboga n’imbuto muri Israel n’abakozi b’Abanya-Israel.

Abayobozi bataha ibikoresho Israel yahaye u Rwanda
Amb. Haskel ari kumwe n'Abanya-Israel bakorera muri icyo kigo
Ambasaderi Haskel areba imashini itera umuti mu myaka
Amb. Haskel n'abanyarwanda bahuguwe muri Israel bakora muri iki kigo
Ahazakorerwa ubuhinzi bw'indabo n'imbuto
Amb. Haskel aganira n'abahinzi b'Abanyarwanda
Umunyamabanga Uhoraho muri Minisiteri y’Ubuhinzi n’Ubworozi, Kayisinga Jean Claude aganira n'itangazamakuru
Belaynesh Zevadia, Ambasaderi wa Israel mu Rwanda, ufite icyicaro muri Ethiopia

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved