Isomwa ry’urubanza rw’abaregwa iterabwoba ryashyizwe mu Ukuboza

Yanditswe na Mathias Hitimana
Kuya 10 Nzeri 2018 saa 10:18
Yasuwe :
0 0

Urugereko rw’Urukiko Rukuru ruburanisha ibyaha mpuzamahanga n’ibyambukiranya imipaka ruherereye i Nyanza, rwarangije kuburanisha mu muhezo urubanza rw’abantu 41 baregwa ibyaha by’iterabwoba.

Abaregwa biganjemo urubyiruko rw’Abayisilamu batawe muri yombi mu 2016 bashinjwa ibyaha by’iterabwoba, ubuhezanguni, ubugambanyi, gushishikariza abandi gukora iterabwoba no kurema umutwe w’abagizi ba nabi.

Umuvugizi w’Inkiko, Harrison Mutabazi, yatangarije The East African, ko urukiko rwamaze kuruburanisha, umwanzuro warwo ukazasomwa ku wa 14 Ukuboza 2018.

Me Mukamusoni Antoinette waburaniye umwe muri baregwa, yavuze ko yiteze ko umukiriya we azabona ubutabera basabiye kuzamara muri gereza imyaka irenga 30.

Yagize ati “Ubushinjacyaha bugendeye ku byaha bumushinja n’ibimenyetso, bwasabye urukiko kumukatira igifungo cy’imyaka 36, ikintu tutemera. Turizera ko urukiko ruzumva ubusabe bwacu bakamurekura, agataha akongera kubonana n’umuryango we.”

Me Mukamusoni yaburaniye uwitwa Latifa Umulinga w’imyaka 21 y’amavuko. Uyu yafatiwe i Bugarama mu Karere ka Rusizi nyuma y’uko umugabo bikekwa ko yari umukunzi we arashwe na Polisi, ari mu bikorwa by’iterabwoba n’ubuhezanguni.

Urukiko Rukuru rwafashe icyemezo cyo gushyira urubanza mu muhezo kubera ku bw’impamvu z’umutekano w’igihugu.

Abaregwa iterabwoba ubwo bari mu ntangiro z'urubanza rwabo mu 2017

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza