Kwamamaza

Inyubako ziteye ubwuzu muri Kigali nshya (Amafoto)

Yanditswe kuya 23-08-2016 saa 13:06' na Cyprien Niyomwungeri


Umujyi wa Kigali ni umwe mu mijyi ku Isi ikomeje gutera imbere ubutitsa yaba mu isuku, imyubakire, umutekano n’ibindi. Iyo utereye ijisho ku ishusho y’uyu mujyi mu myaka 20 ishize ukagereranya n’uyu munsi, uhita ubona impinduka ikomeye.

Uko bwije n’uko bukeye imiturirwa irogoga ibicu bya Kigali ari nako indi mishinga yo gusirimura uyu mujyi umaze imyaka 109 ubayeho ibyigana.

Kuri ubu hari imishinga myinshi yamaze gushyirwa mu bikorwa ariko hari n’indi yemejwe ndetse yanahawe uruhushya rwo gushyirwa mu bikorwa hagendewe ku gishushanyo mbonera.

Nta kabuza ko iyi mishinga nimara gushyirwa mu bikorwa izasiga Kigali irabagirana ku buryo nka Kigali City Tower itazaba ikiri umuturirwa w’agatangaza nk’uko inyubako ya Primature yabaye inzu igerekeranye ya mbere isigariye ku izina gusa.

Inyubako zitezwe muri Kigali mu myaka mike iri imbere

- MINISTERIAL Complex

Iyi nyubako yatangiye kubakwa hagati y’ahakorera Minisiteri y’ububanyi n’amahanga n’Ibiro bya Minisitiri w’Intebe ku Kimihurura, izakoreramo Minisiteri zigera kuri esheshatu.

- RURA Headquarters

Icyicaro cy’Ikigo cy’Igihugu gishinzwe kugenzura imirimo imwe n’imwe ifitiye igihugu akamaro, kizubakwa hafi y’ahakorera icyicaro gikuru cya RSSB, hazwi nko kuri Peyaje.

- Century Park Development

Iri huriro ry’inyubako rizubakwa i Nyarutarama munsi ya Tennis Club.

- KBC

Iyi nyubako irimo kubakwa ahahoze KBC mu masangano y’imihanda ya Kimihurura yitegeye neza Kigali Convention Center. Izaba ifite igice gikorerwamo ubucuruzi, ibiro n’ibindi bikorwa.

- School of Architecture

Iri shuri rizubakwa mu yahoze ari KIST ubu ni Koleji y’Ubumenyi n’Ikoranabuhanga

- Muhima Innovation Group (MIG)

Iyi nyubako ni iya sosiyete y’abashoramari bo ku Muhima bishyize hamwe. Izubakwa haruguru y’isoko rya Nyabugogo kugera imbere ya Banki y’Abaturage (BPR).
Izaba ari inyubako y’ubucuruzi ariko ifite ibice byo hejuru bizajya bikorerwamo ibindi bikorwa birimo ibiro, imyidagaduro, resitora n’ibindi.

- COCOMANYA LTD

Iyi nyubako ni iy’ubucuruzi. Izubakwa na Koperative y’abacuruzi bacururiza mu isoko rya Nyabugogo. Biteganyijwe ko izaba iri ahahoze isoko.

- Amarembo Holdings LTD

Iyi nyubako y’ubucuruzi yo ku rwego rugezweho izubakwa mu mujyi ahahoze Akagera Business Group imbere ya Union Trade Center (UTC). Mu gice cyayo cyo hasi izaba ifite parikingi, Hoteli n’ibindi.

- I&M Bank LTD

Iyi nyubako izatangira kubakwa umwaka utaha hafi y’ahari icyicaro cy’iyi banki.


- BPR

Iyi nyubako ya Banki y’Abaturage , BPR, izaba iri mu kibanza cy’ahari icyicaro cyayo, mu Mujyi rwagati.


- BRD

Iyi ni inyubako ya Banki Itsura Amajyambere mu Rwanda, BRD, izubakwa mu kibanza cyayo kiri aho ikorera ubu mu Mujyi rwagati ku muhanda werekeza kuri Serena Hotel.

- Cogebanque

Ni inyubako iri kubakwa hafi ya Feux-Rouge z’ahahoze Radio Rwanda, ikaba ariyo izaba irimo ibiro bikuru bya Banki ya Cogebanque

- SORAS

Iyo uhagaze kuri Cathedrale Saint Michel, ruguru yawe ubona inyubako nziza igiye kuzura, ni iya Sosiyete y’ubwishingizi SORAS, izakorerwamo ubucuruzi n’ibindi bikorwa by’iyo sosiyete.

-  Batsinda Apartment

Ni inyubako iteganyijwe kubakwa i Batsinda izaba irimo amacumbi aciriritse

- Onomo Hotel

Iyi Hoteli nayo izaba yubatse hafi ya RSSB.

- Bamboo Plaza

Iyi nyubako izubakwa yegeranye na Onomo Hoteli, ahazwi nka Sopetrade.

- Nobelia Hotel

Iyi Hotel igezweho izubakwa munsi y’ahahoze Akagera Business Group mu kibanza kiri imbere ya UTC

- Tropical Plazza

Iyi yatangiye kubakwa mu mujyi rwagati inyuma yo kwa Rubangura. Izaba ari inzu y’ubucuruzi ariko ibice byayo byo hejuru bizajya bikodeshwa n’abifuza gutura mu Mujyi rwagati.


-  Shalem Hotels

Iyi hoteli Izubakwa kuri Plateau hino ya Ambasade y’Ababiligi

- Inkundamahoro

Iyi nyubako ni iya Koperative ‘Inkundamahoro’ igizwe n’abacuruzi batandukanye bakorera Nyabugogo, imirimo yo kuyubaka igiye kurangira. Iherereye inyuma y’amashyirahamwe.

- ULK Hospital

Ibi bitaro bya Kaminuza yigenga ya Kigali byatangiye kubakwa aho iherereye ku Gisozi, bikazakoreshwa n’abanyeshuri bayo baziga ubuganga.

- City Center Hospital

Iri ni ivuriro ryo ku rwego rwo hejuru rizubakwa ahahoze Police imbere y’Umurenge wa Nyarugenge.

- Polyfam

Ni ivuriro rizubakwa i Remera muri Rukiri, aho risanzwe rikorera.

- Inyubako iteganyijwe hafi ya RDB

Ni inyubako iri imbere ya RDB izakorerwamo ubucuruzi, ndetse igice cyo hejuru gishyirwemo amacumbi n’ibiro.

- BMC

Iyi nayo ni inyubako y’ubucuruzi, amacumbi n’ibiro izubakwa ruguru ya Onomo Hotel kuri Sopetrade.

- Downtown Phase II

Ni icyiciro cya Kabiri cy’inyubako yo muri gare yo mu mujyi rwa gati. Ugisohoka muri gare werekeza kuri gereza ubona inyubako yatangiye kubakwa.

- IPRC/ Kigali

Inyubako nshya IPRC/ Kigali biteganyijwe ko izubakwa ku Kicukiro aho iri shuri risanzwe rikorera.

- Izuba Appartments

Iyi nyubako yo guturamo izubakwa mu Karere ka Gasabo hafi ya Batsinda

- Gorillas Conference Center

Aha ni ahantu hazajya habera inama hazubakwa na Hotel Gorillas Golf i Nyarutarama.

- Intango Vocation Traning Center

Uyu mushinga w’ishuri ry’imyuga n’ubumenyingiro uzubakwa mu Busanza i Kanombe

- Ubumwe -Kinyinya

Ni inyubako ya koperative Ubumwe iherereye i Kinyinya


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved