Kwamamaza

“Ingengo y’imari mu gihugu ni nk’umwuka umuntu ahumeka”

Yanditswe kuya 5-11-2016 saa 16:36' na Emma-Marie Umurerwa


Ikigo cy’Igihugu cy’imiyoborere , RGB, kigereranya ingengo y’imari y’igihugu n’umwuka umuntu ahumeka, bivuze ko idahari kitabaho,ikaba ari yo mpamvu uruhare rw’umuturage mu gutanga ibitekerezo ku bizibandwaho ari ingenzi.

Mutabazi Theodore, Umuyobozi mukuru ushinzwe imiryango ya sosiyete sivile n’amashyaka ya politiki muri RGB, avuga ko imiyoborere myiza ari ituma umuturage agira uruhare mu bimukorerwa kandi akanabigenzura.

Yagize ati “Ingengo y’imari mu gihugu ni nk’umwuka umuntu ahumeka, udafite ingengo y’imari igihugu ntabwo cyabaho.”

Mutabazi yavuze ko umuturage agomba kugira uruhare mu itegurwa n’ishyirwa mu bikorwa ry’ibyateganyijwe mu ngengo y’imari kuko ari ryo shingiro ry’imiyoborere myiza. Ati “Imiyoborere myiza ni ituma umuturage agira uruhare mu bimukorerwa kandi akanabigenzura.”

Akomeza ashimira Impuzamashyirahamwe y’imiryango iharanira uburenganzira bwa muntu mu Rwanda (CLADHO) ku ruhare ikomeje kugira mu gusobanurira abaturage ko bakwiye kumenya ibibakorerwa, bagatanga ibitekerezo ku byakorwa mu ngengo y’imari.

Yakomeje agira ati “Iyo hakozwe ikintu udafitemo uruhare ntabwo ucyibonamo, ni yo mpamvu Leta yavuze ko ingengo y’imari ikwiye gutegurwa kuva ku muturage kuko ari we uzi ibikenewe.”

Safari Emmanuel, Umuhuzabikorwa w’impuzamiryango CLADHO, avuga ko ari igihombo kinini ku muturage iyo atekererejwe ibimukorerwa.

Yagize ati “Umuturage wese aho ava akagera afite uruhare rwo gutanga ibitekerezo ku byamukorerwa. Ni ibintu bidasaba imibare, bidasaba kuba umuntu yarize muri za kaminuza. Iyo umuturage amaze gutanga ibitekerezo, abashinzwe kubishyira mu bikorwa, babikora bashingiye kuri bya bitekerezo by’umuturage.”

Ubushakashatsi bwakozwe na CLADHO bwagaragaje ko Abanyarwanda 36% gusa mu mwaka w’ingengo y’imari ya 2014/2015 ari bo bagize uruhare mu kugena ibikorwa by’ingenzi byayishyizwemo.

Miniteri y’Ubutegetsi bw’Igihugu ifatanyije na Minecofin, tariki ya 3 Ugushyingo, batangije gahunda yo kumva ibyifuzo by’abaturage ku ngengo y’imari y’igihugu.
Ibitekerezo bizaturuka mu baturage bizahuzwa n’icyerekezo cy’igihugu hakorwemo igenamigambi rimwe mu ngengo y’imari ya 2017-2018 no mu myaka izakurikiraho, nk’uko Minisitiri Kaboneka yabitangarije RBA.

Yagize ati “Ibitekerezo by’abaturage bitazashyirwa mu ngengo y’imari ya 2017-2018, bizimurirwa mu ngengo y’imari y’imyaka izakurikiraho. Dukurikije ingengo y’imari dufite n’amikoro yacu, ibyo bavuze byose bishobora kutazahita bikorwa, ariko bizagenda bikorwa uko agenda aboneka.”

Minisitiri Kaboneka avuga ko iyi gahunda igamije gusubiza ikibazo cyagaragajwe n’ubushakashatsi butandukanye, cy’uko abaturage bavugaga ko batagishwa inama mu itegurwa ry’imihigo. Yongeraho ko iyo umuturage agize uruhare mu igenamigambi, akitekerereza ibimukorerwa bituma arinda ibyagezweho uko bikwiye.

Mutabazi Theodore, Umuyobozi Mukuru ushinzwe sosoyete sivile n'imitwe ya politiki muri RGB
Safari Emmanuel, Umuhuzabikorwa wa CLADHO

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved