00:00:00 IGIHE NETWORK KN KINYARWANDA EN ENGLISH FR FRANCAIS

Ingabo z’u Rwanda n’iza Mozambique zubatse ikiraro muri Cabo Delgado

Yanditswe na Iradukunda Serge
Kuya 17 Kanama 2021 saa 05:12
Yasuwe :
0 0

Ingabo z’u Rwanda ziri mu butumwa bwo kurwanya imitwe y’iterabwoba muri Mozambique mu Ntara ya Cabo Delgado zifatanyije n’Ingabo z’iki gihugu zubatse ikiraro gihuza Umujyi wa Mocimboa da Praia na Awasse.

Amakuru dukesha Club Of Mozambique avuga ko umuhanda uhuza Umujyi wa Mocimboa da Praia na Awasse wari umaze igihe kigeze ku mwaka udakoreshwa wongeye kuba nyabagendwa ku wa 15 Kanama 2021, nyuma y’aho Ingabo z’u Rwanda n’iza Mozambique zubatse ikiraro hejuru y’Umugezi wa Quinhevo.

Iki kiraro gifite ubushobozi bwo kunyurwaho n’imidoka itwaye ibintu bipima toni 60, kizafasha urujya n’uruza rw’abantu ndetse kinoroshye urugamba rukiri kubera muri Cabo Delgado kuko imodoka zaburaga aho zinyura.

Ingabo z’u Rwanda zinjiye mu rugamba rwo kurwanya umutwe witwaje intwaro wari warigaruriye Cabo Delgado mu ntangiriro za Nyakanga. Kugeza ubu zimaze kubohoza ibice bitandukanye by’iyi ntara birimo n’Umujyi wa Mocimboa da Praia wafatwaga nk’ibirindiro bikomeye by’uyu mutwe.

Umuhanda uhuza Umujyi wa Mocimboa da Praia na Awasse wongeye kuba nyabagendwa nyuma yo gusana ikiraro ku bufatanye bw'Ingabo z'u Rwanda n'iza Mozambique

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .