Kwamamaza

Impuguke isanga Perezida Kagame abumbatiye ukugera ku ntego kwa AU

Yanditswe kuya 12-09-2016 saa 10:15' na IGIHE


Umusesenguzi asanga imigendekere myiza y’icyemezo kigena uburyo bushya bwo gutera inkunga ibikorwa by’Umuryango wa Afurika Yunze Ubumwe, AU, izaterwa n’impinduka zizawukorwamo zikawuha ubushobozi bwo gushyira mu bikorwa icyo cyemezo.

Mu nama ya 27 ya AU iherutse kubera i Kigali, abakuru b’ibihugu bafashe umwanzuro wo guhindura uburyo bwari busanzwe bukoreshwa mu gutera inkunga ibikorwa na porogaramu bya AU, aho ibihugu byatangaga amafaranga biyakuye ku ngengo z’imari zabyo.

Bemeje ko buri gihugu kizajya gikata 0.2% by’imisoro y’ibyinjira mu gihugu, kikayatanga muri uwo muryango, bigatuma usezerera burundu inkunga z’amahanga zawufashaga ku kigero cya 76%.

Mu kiganiro yagiranye na The New Times, Dr Mehari Taddele Maru, umwarimu muri Kaminuza ya Addis Ababa akaba n’umwe mu bagize itsinda ngishwanama rya AU, yavuze ko amavugurura azakorwa muri AU azatuma na kiriya cyemezo gishyirwa mu bikorwa.

Avuga ko amavugurira akwiye gushingira ku bushobozi bwo gushyira mu bikorwa kiriya cyemezo kuko aricyo kibazo ahanini ibyemezo bya AU, bijyanye no kwitera inkunga byagiye bihura nacyo.

Yagize ati “AU igomba kugira ubushobozi bwo gukurikirana niba ibihugu byubahirije kiriya cyemezo, n’ibihugu bikibanda ku buryo bwo kubahiriza kiriya cyemezo bigakusanya imisoro ari nako bigaragaza ubushake n’umuhate wo kugeza ibyo bakusanyije muri komisiyo ya AU.”

Akomeza avuga ko kugira ngo iki cyemezo kizagerweho, amavugurura ya AU azakurikiranwa na Perezida Kagame agomba kwihutishwa kuko afitanye isano n’imigendekere myiza yo gukusanya ndetse no gukoresha neza amafaranga azaboneka.

Yagize ati “Perezida Kagame yahawe inshingano ikomeye ariko ishoboka buri Mukuru w’Igihugu ashobora kugira, iyo ni ukuvugurura urwego rumaze imyaka 50.”

Perezida Kagame yahawe inshingano zo gukurikirana impinduka muri komisiyo y’Umuryango wa Afurika Yunze Ubumwe, AU.

Bimwe mu bizavugururwa harimo amabwiriza agenga abakozi ba Komisiyo ya AU, uburyo bwo gupima uko inzego zigera ku byo ziyemeje, igenzura ry’imbere no hanze y’uru rwego [audit], kunoza gahunda y’uburyo abayobozi bakora ingendo, uburyo bwo gutanga amasoko n’andi mabwiriza ngenderwaho hagamijwe ko ubushobozi buhari bukoreshwa neza.

Inzego zitandukanye zihamya ko ubu buryo buzatuma Umuryango wa Afurika yunze ubumwe ukora neza ukagera ku ntego zawo kandi umugabane ugasendera amahoro n’iterambere.

Ubusanzwe abaterankunga batangaga 76% by’ingengo y’imari ya AU ariko umwaka ushize abakuru b’ibihugu bavuze ko bagomba guhindura ibi bintu, bagatera inkunga ibikorwa by’umuryango 100%, aho porogaramu n’indi mishinga bigomba gukoresha 75% naho ibikorwa bijyanye n’amahoro gusa bigakoresha 25%.

Dr. Mehari avuga ko ari igitekerezo cyiza cyakemura imbogamizi zo gukererwa kw’ibihugu mu gutanga inkunga igenewe ibikorwa bya AU.

Yagize ati “Ibihugu bizakusanya neza amafaranga kuko bifite ubushobozi n’ubushake bwo kuyakusanya n’umuhate wo kuyohereza muri Komisiyo ya AU, niko tubiteganya.”

Umwanzuro w’inama ya 27 ya AU uvuga ko iki cyemezo kizatangira kubahirizwa mu mwaka w’ingengo y’imari wa 2017.

Komisiyo ya AU iheruka kwemeza ingengo y’imari ya miliyoni $782 azakoreshwa mu 2017, agera kuri miliyoni $ 200 zonyine akaba ariyo azava mu misanzu izatangwa n’ibihugu bigize uwo muryango.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved