Kwamamaza

Impanuka y’imodoka ya Ambasaderi wa USA mu Rwanda yahitanye abasore babiri

Yanditswe kuya 15-08-2016 saa 12:22' na Philbert Hagengimana


Imodoka itwara Ambasaderi wa Leta Zunze Ubumwe za Amerika mu Rwanda, Erica J. Barks-Ruggles, yagonganye n’igare maze abantu bari baririho bahita bapfa undi umwe arakomereka.

Amakuru agera kuri IGIHE avuga ko ku gicamunsi cyo kuri iki cyumweru tariki ya 14 Kanama, ahagana saa munani z’amanywa, imodoka yari itwaye Ambasaderi Erica J. Barks-Ruggles yagonganye n’igare ryari ririho abasore batatu, maze babiri muri bo bahita bapfa, undi arakomereka cyane.

Umunyamabanga Nshingwabikorwa w’Umurenge wa Giheke, Nsabimana Theogene yatangarije IGIHE ko iyo mpanuka yabaye hagati ya saa saba n’igice na Saa munani z’amanywa, ikabera ku rugabano rw’Akarere ka Rusizi na Nyamasheke, mu Mudugudu wa Rwumvangoma, mu Kagari ka Giheke.

Nsabimana yagize ati “Hari nka saa saba n’igice zishyira saa munani, hanyuma iyo modoka yari itwaye ambasaderi yari igiye i Rusizi, igeze mu mudugudu wa Rwumvangoma, Akagari ka Giheke ihura n’igare ryavudukaga bikabije, ririho abana batatu, maze babiri muri bo bahita bapfa.”

Yakomeje avuga ko umushoferi wari utwaye Ambasaderi yagerageje guhunga iryo gare, ariko umuvuduko ukabije ryari rifite, no kuba ryari ritwaye abantu batatu, byabagabanyirije amahirwe yo kurokoka iyo mpanuka.
Nyuma y’ibyo, Ambasaderi , Erica J. Barks-Ruggles n’umushoferi we ntawagize icyo aba, ahubwo ngo bahise bajya kuri Polisi kumenyesha iby’iyo mpanuka.

Ishami rya Polisi y’u Rwanda rishinzwe umutekano mu muhanda ryahise ritangira iperereza ngo hamenyekane impamvu nyakuri yateye iyo mpanuka, gusa abaturage hafi ho batangazaga ko iryo gare ryaba ryari ryacitse feri.

Umwe mu barokotse iyi mpanuka yagejejwe kwa muganga

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved