Imiryango 60 ifashwa na SKOL ku bufatanye na FXB yishimiye iterambere imaze kugeraho

Yanditswe na IGIHE
Kuya 14 Nzeri 2018 saa 04:36
Yasuwe :
0 0

Imiryango 60 igizwe n’abantu 445 bafashwa n’uruganda rwa Skol rufatanyije n’umuryango FXB, yishimiye ibyo imaze kugeraho nyuma y’umwaka bafashwa.

Iyi miryango ituye mu Murenge wa Nyamirambo, mu Mujyi wa Kigali, ibarizwa mu cyiciro cya mbere cy’ubudehe.

Kubafasha byatangiye mu Ukwakira 2017. Bahugurwa ku mishinga iciriritse, bagahabwa igishoro, bakabubumbirwa mu matsinda, bagafashwa mu mirire, kwishyurira ishuri abana bakennye, kwishyurirwa ubwisungane mu kwivuza, isuku n’ibindi.

SKOL yishyurira abana 146 biga mu mashuri abanza, abana 45 biga mu mashuri yisumbuye ikabaha n’ibyangombwa byose bikenerwa kuri ngo umunyeshuri yige neza.

Abiga baba ku ishuri bagenerwa n’amafaranga abafasha kwikemurira utubazo bashobora guhura natwo bari ku ishuri.

Ababyeyi bo batangiye gukora ubucuruzi buciriritse, aho bahabwa igishoro cyo gutangira kandi bakabona n’amahugurwa ahoraho yo kwigishwa neza uko bakoramo ubucuruzi bwabo bagamije kwiteza imbere.

Aba baturage bagaragaza ko hari ibikorwa by’iterambere bamaze kwigezaho birimo isuku baharanira kwirinda indwara ziterwa n’umwanda, kwizigama no gutanga ingoboka binyuze mu matsinda, gukora ubucuruzi buciriritse, kuringaniza imbyaro n’ibindi.

Abo twaganiriye bagaragaje ko amafaranga bahabwa 60,000 Frw yo gutangiza ubucuruzi nyuma yo kwigishwa kwihangira imirimo yabagiriye akamaro.

Niyorembo Ebenezer, ni umugabo wubatse ufite abana batanu, akora umushinga wo korora ingurube yatewemo inkunga na SKOL ifatanyije na FXB.

Avuga ko ubufasha yahawe ari bwo bumugejeje aho ageze kandi ngo aracyafite indi mishinga ateganya izamufasha kwiteza imbere.

Ati “Nakunze kubaho norora ingurube z’abandi ariko ubu natangiye korora izanjye. Nyuma y’aho FXB Rwanda imfashije ikampa igishoro n’amahugurwa anyuranye, nabashije kwigurira ingurube yanjye ndetse yaranabwaguye”.

Avuga ko nyuma yo kwigishwa ku kamaro k’isuku, indyo yuzuye no kuboneza urubyaro, ubu yateye umurima w’imboga iwe, yubaka na kandangira ukarabe.”

Mukambungo Marie Rose, umubyeyi w’abana batandatu, akora ubucuruzi bw’ibiribwa mu isoko ryo mu Miduha riherereye mu Murenge wa Nyamirambo.

Avuga ko atarahabwa inkunga abana be bari baravuye mu ishuri nyamara ubu babashije gusubirayo.

Yagize ati “FXB na SKOL baramfashije cyane rwose. Nkanjye bamfata hari abana bari baravuye mu ishuri none ubu basubiye kwiga kandi baranarihirwa. Ubucuruzi bwari butangiye kunanira kubera kubura igishoro kuko nayakoreshaga no mu bindi bikenerwa mu rugo ariko ubu ncuruza nta mpungenge mfite.”

Tariki 14 Mata 2018 Thibault Relecom uyobora kompanyi yo mu Bubiligi UNIBRA ari nayo yibarutse SKOL mu Rwanda, yifatanyije n’abayobozi ba FXB mu Rwanda gusura no kugenzura aho ibikorwa by’uyu mushinga bigeze.

SKOL nk’uruganda rukora ibinyobwa mu Rwanda iharanira kwitabira ibikorwa biyihuza n’abaturarwanda harimo kuba ari umuterankunga w’irushanwa mpuzamahanga ry’amagare Tour du Rwanda, umuterankunga mukuru w’ikipe ya Rayon Sports.

Ibi byose ivuga ko bigamije gukomeza kwiyegereza abakunzi bose b’ibinyobwa byayo.

Ababyeyi bo batangiye gukora ubucuruzi buciriritse
Kubafasha byatangiye mu Ukwakira 2017
Imiryango 60 igizwe n’abantu 445 bafashwa n’uruganda rwa Skol rufatanyije n’umuryango FXB
Bahugurwa ku mishinga iciriritse, bagahabwa igishoro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza