Kwamamaza

Imihigo: Gasabo yatuye akeso k’ipfunwe iba iya mbere, Musanze iherekeza utundi

Yanditswe kuya 9-09-2016 saa 12:51' na Cyprien Niyomwungeri


Gasabo yavuye ku mwanya wa 28 mu mwaka wa 2014, na 8 mu mwaka wa 2015 igera ku mwanya wa 1 mu kwesa imihigo y’umwaka wa 2015/2016.

Minisitiri w’Intebe,Anastase Murekezi, yavuze ko impamvu zagaragaye ko arizo zituma uturere tuza inyuma, zishingiye ku mikoranire itanoze hagati ya nyobozi, njyanama n’abakozi b’akarere ndetse no mu mikoranire hagati y’abafatanyabikorwa b’akarere.

Yatanze ingero zaho nko mu karere ka Rusizi ‘muri nyobozi barananiranye baratukana ariko Minaloc irabasura bararana amajoro’ none ubu byarahindutse ariyo mpamvu ngo aka karere gasigaye kaza imbere.

Ati “ Iyo abantu bamaze kumvikana ibintu birakora, muri Kicukiro bakwiye kwisubiraho. Kicukiro ntabwo ubuyobozi bushyize hamwe muri nyobozi hari ikibazo no ku munyamabanga Nshingwabikorwa w’Akarere, hari ikibazo mukwiye kureba neza mukabinoza.”

“Muri Musanze iba iya nyuma hari ikibazo gikomeye cyane abakozi barigenga. Meya kuki utayobora abakozi bawe? Barakora ibyo bashaka. Ntabwo aribyo, nyobozi igomba kuyobora rwose. Bayobore cyangwa baveho niko bimeze rwose. Iyo urebye ahantu nyobozi yumvikana na njyanama, ikayobora neza abakozi, abafatanyabikorwa bakaza nyobozi ikabinjiza muri za gahunda y’imihigo usanga ishyirwa mu bikorwa neza amanota akaba menshi.”

Minisitiri w’Ubutegetsi bw’Igihugu yatangaje ko Imihigo y’uturere mu mwaka wa 2016/2017 izatwara miliyari zirenga 522 305 z’amafaranga y’u Rwanda mu gihe umwaka ushize yatwaye asaga miliyari 206, aya mafaranga akazakoreshwa mu bikorwa byo guteza imbere ubuhinzi n’ibindi bikorwa bigamije guteza imbere abaturage.

Mu turere hazatezwa imbere ubuhinzi hagamijwe kwihaza no gusagurira amasoko, hakorwe amaterasi angana na hegitari 6349, haterwe amashyamba angana na hegitari 12138 ,hinjizwe imisoro igera kuri miliyari 49.8 zivuye kuri 39.5.

Hazubakwa imihanda igera kuri kilometero 1442, ubwisungane buzaba 100% kuko uturere twose twahigiye gukora ubukangurambaga. Hazubakwa ibyumba by’amashuri 432.

Minisitiri Kaboneka yavuze ko iyi mihigo izagerwaho abaturage babigizemo uruhare.

Yagize ati “Ku bufatanye bw’abaturage n’abafatanyabikorwa b’uturere iyi mihigo tuzayigeraho.”

Uko uturere twakurikiranye

Inkuru bifitanye isano

- Akeso k’ipfunwe: Ingufu zose i Gasabo, ikarenga ikaba iya nyuma

- Akarere ka Huye kabaye aka mbere mu mihigo, Gakenke iherekeza utundi


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved