Kwamamaza

Imicungire mibi ya KBS itumye ihabwa umuyobozi uzayifasha kwikura mu bibazo

Yanditswe kuya 12-11-2016 saa 07:07' na IGIHE


Inama Ngenzuramikorere ya RURA yateranye kuwa 11 Ugushyingo 2016 yagize Eng. Deo Muvunyi Umucungamutungo wa KBS Ltd mu gihe cy’amezi atandatu.

Iki cyemezo gifashwe gikurikira igenzura ryakozwe n’Ikigo Ngenzuramikorere, RURA rigaragaza ko KBS Ltd itubahirije inshingano zikubiye mu ruhushya n’amasezerano yo gutwara abantu mu mujyi wa Kigali.

Iryo genzura rikaba ryaranagaragaje imicungire mibi y’iyo sosiyete ibyo bikaba bibangamiye umurimo wo gutwara abantu n’inyungu z’abafatanyabikorwa.

Itangazo rigenewe abanyamakuru RURA yashyize ahagaragara rivuga ko ishyirwaho ry’Umucungamutungo rije nyuma y’uko ubuyobozi bwa KBS Ltd bugiriwe inama kenshi ariko bikagaragara ko ibibazo bitigeze bikemuka.

Uyu mucungamutungo ngo yahawe inshingano zo gufasha KBS kuva mu bibazo ifite.

Ubuyobozi bwa RURA buvuga ko iki cyemezo gifashwe mu nyungu rusange n’iz’abafatanyabikorwa by’umwihariko, kikaba gitangira gushyirwa mu bikorwa guhera kuri uyu wa 11 Ugushyingo 2016.

KBS ni imwe mu masosiyete atatu yatsindiye isoko ryo gutwara abagenzi mu mujyi wa Kigali, akaba afite amasezerano y’imyaka itanu kuva mu 2014. Ifatanya na Royal Express na RFTC(Rwanda Federation of Transport Cooperatives).

Mu bice KBS ikoreramo abagenzi bakunze kumvikana binubira serivisi mbi bahabwa zirimo gutinzwa mu mayira n’ibindi.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved