Kwamamaza

Imbaraga twiyubatsemo tugomba kuzisangiza Abanyafurika-Joseph Karorero

Yanditswe kuya 20-11-2016 saa 17:32' na Evariste Nsengimana


Umuyobozi w’Urwego rw’Amahoro n’Umutekano mu muryango Pan Africanism ku rwego rw’igihugu, Joseph Karorero yavuze ko gahunda ya Ndi Umunyarwanda igeze ku rwego rwo kuyisangiza Abanyafurika na yo ikikura mu kaga yasizwemo n’ubukoloni.

Yabivuze kuri uyu wa 18 Ugushyingo 2016 mu muhango wo gutora komite y’umuryango wa Pan Africanism ku rwego rw’Akarere ka Kicukiro wahujwe no gutanga ibiganiro kuri gahunda ya Ndi Umunyarwanda.

Joseph yavuze ko kwishyira hamwe no kwiyubaka ku banyarwanda bimaze igihe bityo ko aho bigeze izo mbaraga zigomba gusangizwa n’Abanyafurika.

Yavuze ko umurage wo gufatanya, ari zo mbaraga zo kubaka ubukungu n’umutekano bihamye no kwishakamo ibisubizo nk’abanyafurika.

Ati " Dufite ubukungu, imbaraga n’ibikerezo no kudahora dutegereje ko tuzabeshwaho n’imbabazi n’inkunga z’abo hanze, igihe kirageze ko tugira impinduramatwara mu mitekerereze yacu ngo twubake Afurika ikomeye."

“Abanyarwanda tubimazemo igihe kinini, kuva tuvuye muri Jenoside yakorewe abatutsi umuti wacu ni ukwishyira hamwe no kwiyubaka nk’abanyarwanda; aho tugeze turatanga amahoro ahandi, turigisha abandi. Turashaka ko izo mbaraga twiyubatsemo tuzisangiza abandi n’abanyafurika ahari ibibazo, ahari amacakubiri tukabashyira ubutumwa bwo kuba bamwe.”

Abayobozi ku rwego rw’Akarere n’Imirenge igize aka karere bari bitabiriye ibi biganiro n’amatora bavuze ko bishimiye itangizwa ry’uyu muryango kandi ko basanga ugiye kuzuzanya na gahunda ya Ndi Umunyarwanda yari isanzwe.

Mu biganiro byatanzwe kuri gahunda ya Ndi Umunyarwanda, Pasiteri Rutayisire yongeye kwibutsa ko abanyarwanda bakwiye kureka ibyo kwireba mu ndorerwamo y’amoko aho yavuze ko iyo ukoranye n’umuntu uwishisha ntacyo yagufasha.

Meya w’Aka Karere Dr.Nyirahabimana Jeanne yibukije abayobozi kwakira neza ababagana batabanje kureba icyo ari cyo kugira ngo igihugu kigere ku iterambere.

Pan Africanism ni umuryango uhuza abanyafurika washyizweho nyuma y’ubucakara ugamije kubaka icyizere, ubushobozi, kugarura ubumwe no guharanira uburenganzira bw’Abanyafurika.

Abatowe muri komite ihagarariye Pan African Movement ku rwego rw'Akarere ka Kicukiro
Umuyobozi w'Akarere ka Kicukiro Dr Nyirahabimana Jeanne na Pasiteri Antoine Ritayisire (hagati)
Bayingana Emmanuel, watorewe kuyobora Pan African Movement mu karere ka Kicukiro

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved