Kwamamaza

WDA yanyuzwe n’uburyo uburezi bw’umukobwa bwitaweho

Yanditswe kuya 23-09-2016 saa 11:01' na Jean Pierre Tuyisenge


Ikigo cy’igihugu gishinzwe guteza imbere imyuga n’ubumenyingiro WDA, kivuga ko gishimishijwe n’ imbaraga zashyizwe mu kwigisha umwana w’Umukobwa amasomo akenewe ku isoko ry’Umurirmo.

Ibi umuyobozi ushinzwe serivisi zo kwakira abantu muri WDA Beatrice Umotoni yabivugiye mu muhango wo gutaha ku mugaragaro laboratwari yavuguruwe y’ishuri rya Akilah Institute for Women,ryigisha amasomo arimo iryo kwakira abashyitsi (Hospitality) ku wa kane tariki ya 22 Nzeri 2016.

Yashimiye iri shuri ku mahitamo ryagize yo kwigisha umwana w’Umukobwa. Yagize ati “Kwakira abashyitsi ni isomo riri gutera imbere cyane mu Rwanda, ni na gahunda nziza Guverinoma y’u Rwanda yihaye yo guteza imbere amasomo yo kwakira abashyitsi n’ubukerarugendo. Ndashimira iri shuri ryahisemo kwigisha abana b’abakobwa aya masomo, muri kwigisha ibintu bitari mu bigo byinshi mu Rwanda.”

Ishuri Akilah Institute for Women, ryigisha amasomo arimo no kwihangira imirimo (Entrepreneurship), n’ibyo guhererekanya amakuru (Information System), ryatashye ku mugaragaro Laboratwari yaryo yavuguruwe ikanongerwamo ibindi bikoresho.

Ibyo birimo ibikoreshwa mu mitegurire igezweho yo mu mahoteli, no mu byumba byakirirwamo abashyitsi, ku buryo ngo umunyeshuri uri muri iyo Laboratwari aba ameze nk’uri muri hoteli.

Umuyobozi uhagarariye Ishuri rikururyigamo abari n’abategarugori, (Akilah Institute For Women) mu Rwanda, Aline Kabanda yavuze ko bizera neza ko abanyeshuri babo bagiye kujya bahakura ubumenyi buruseho.

Yagize ati “ N’ubusanzwe twari dufite Laboratwari, ariko twifuje kongeramo ibindi bikoresho kugira ngo abanyeshuri bacu batazigera bahura n’ikibazo bageze aho bagomba gukorera, ahubwo ibyo basangayo bibe bidatandukanye n’ibyo bigiye kuri iri shuri.”

Umwe mu banyeshuri baganiriye na IGIHE wiga kuri iryo shuri, Allen Ingabire, yavuze ko Laboratwari yaguwe igiye kurushaho kubafasha mu byo biga. Yagize ati “ Twari dusanzwe dufite iyo twakoreragamo imyitozo, ariko uburyo bayivuguruye byatumye tubona ko tugiye kujya ku rwego tutari turiho.”

Ishami ryo kwakira abantu (Hospitality management) ryatangiye mu mwaka wa 2010, ariko nk’uko Allen Kabanda yabitangarije IGIHE , ngo kuva icyo gihe usanga abantu benshi bakora mu mahoteli no mu zindi serivisi zo kwakira abantu baraturutse kuri iryo ishuri.

Ubuyobozi bwa Akilah buvuga ko hafi 88% by’abigayo bahita bajya mu mirimo ihuye n’ibyo bize, babitewe n’ubumenyi bakura muri iryo shuri.

Kuri ubu Akilah Institute For Women yigamo abagore n’abakobwa gusa ifite abanyeshuri bagera kuri 400, hakaba hari gahuda y’uko mu mwaka wa 2020 bazaba bamaze kurenza abanyeshuri 1000, kandi bose bakagira impinduka bakora aho batuye.

Ishuri rya Akilah Institute for Women riri i Kibagabaga (Kigali) ryatangiye kubakwa mu mwaka wa 2007 ritahwa mu mwaka wa 2009 mu kwezi kwa Nyakanga, kugeza ubu ubuyobozi bw’iri shuri buvuga ko nyuma yo kwagura Laboratwari, buzakora n’ibindi byinshi kugira ngo abanyeshuri bajye basohoka badafite impungenge mu byo bakora.

Abayobozi batambagizwa Laboratwari
Umuyobozi muri WDA( ibumoso) ari kumwe n'abayobozi bakuru b'ishuri
Abanyeshuri bari bitabiriye umuhango wo gutaha Laboratwari

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved