Igisirikare cy’u Bushinwa mu gukomeza umubano n’icy’u Rwanda

Yanditswe na IGIHE
Kuya 4 Kamena 2018 saa 06:52
Yasuwe :
0 0

Itsinda ry’abasirikare b’Abashinwa riyobowe na Maj Gen Zhang Yingli, kuri uyu wa Mbere, ryasuye Minisiteri y’Ingabo y’u Rwanda, mu ruzinduko rugamije gukomeza umubano hagati y’igisirikare cy’ibihugu byombi.

Minisitiri w’Ingabo Gen. Kabarebe James n’Umugaba Mukuru w’Ingabo z’u Rwanda, Gen Patrick Nyamvumba, bakiriye iri tsinda basuzuma umubano mu bya gisirikare usanzwe hagati y’ibihugu byombi, banagaragaza ubushake bwo gukomeza kuwongera ukagera ku rundi rwego.

Gen. Kabarebe yashimangiye ko ‘u Rwanda n’u Bushinwa bisanzwe bifitanye umubano mwiza, uru ruzinduko rukaba rugamije kuganira uburyo bwo kongera imbaraga muri ubwo bufatanye dusanganywe’.

Igisirikare cy’u Rwanda n’icy’u Bushinwa bifitanye ubufatanye bwiza mu bijyanye n’imyitozo n’ibikoresho.

Maj. Gen Zhang Yingli yashimye umusanzu w’u Rwanda mu guharanira amahoro n’umutekano hirya no hino muri Afurika binyuze mu bikorwa byo kugarura amahoro. Yavuze ko ari ikintu u Rwanda n’u Bushinwa bihuriyeho.

U Bushinwa bukomeje gushyigikira ibikorwa byo kugarura amahoro binyuze mu kohereza abasirikare n’abasivili bakora imirimo inyuranye mu butumwa bwo kugarura amahoro hirya no hino muri Afurika.

Itsinda ry’abasirikare b’Abashinwa riyobowe na Maj Gen Zhang Yingli ryakiriwe na Minisitiri w'Ingabo, Gen. James Kabarebe n'Umugaba mukuru w'Ingabo z'u Rwanda, Gen Patrick Nyamvumba
Maj Gen Zhang Yingli yahawe impano na Minisitiri w'Ingabo, Gen. James Kabarebe
Maj Gen Zhang Yingli yahawe impano Umugaba mukuru w'Ingabo z'u Rwanda, Gen Patrick Nyamvumba
Ifoto y'urwibutso nyuma yo kwakira mu Rwanda itsinda ry’abasirikare b’Abashinwa riri mu ruzinduko rw'akazi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza