Kwamamaza

Igice kimwe cy’umuhanda wo kuri Kigali Convention Centre cyafunguwe

Yanditswe kuya 30-10-2016 saa 14:57' na IGIHE


Ubuyobozi bw’Umujyi wa Kigali buratangaza ko kuva kuri uyu wa Mbere tariki 31 Ukwakira 2016, ibinyabiziga bituruka mu Mujyi no ku kabindi bigana muri Convention Center na Radson Blue Hotel cyangwa se mu Rugando, bizajya binyura mu muhanda w’iburyo w’icyerekezo kimwe muri Rond Point ya KBC.

Iri tangazo ryashyizweho umukono na Mukaruliza Monique, uyobora Umujyi wa Kigali, rivuga ko ibinyabiziga bizajya bikoresha uyu muhanda ari ibyerekeza ku nyubako ya Kigali Convention Centre/Radisson Blu Hotel cyangwa mu Rugando biturutse mu cyerekezo cyo ku Kabindi cyangwa mu mujyi.

Riti “Mu rwego rwo kunoza imikoreshereze y’imihanda ishamikiye ku masangano y’imihanda (rond-point) ya KBC, Umujyi wa Kigali uramenyesha abatwara ibinyabiziga berekeza ku nyubako ya Kigali Convention Centre/Radisson Blu Hotel cyangwa mu Rugando baturutse mu cyerekezo cyo ku Kabindi cyangwa mu mujyi, ko guhera ku wa Mbere tariki 31 Ukwakira 2016 bashobora gukoresha umuhanda w’iburyo w’icyerekezo kimwe (sense unique) ku masangano ya KBC binjira muri Kigali Convention Centre cyangwa bakomeza.”

Icyakora ubuyobozi bw’Umujyi wa Kigali buvuga ko gusohoka mu nyubako ]ya Kigali Convention Centre hazakomeza gukoreshwa ibyerekezo by’imihanda bisanzwe.

Uyu muhanda wafunzwe ubwo hitegurwaga inama ya 27 y’Umuryango wa Afurika yunze Ubumwe, yabereye muri iyi nyubako muri Nyakanga uyu mwaka.

Nyuma yo gufunga uwo muhanda, hakomeje guhangwa indi mishya mu rwego rwo kugabanya umubyigano w’imodoka.

Muri Kanama, igice kimwe cy’uyu muhanda kibererekera rond point yo kuri KBC cyarafunguwe, ibinyabiziga biturutse ku Kabindi no mu mujyi bigaca imbere y’inyubako Kigali Heights bikomeza ku masangano y’imihanda yubatswe iruhande rwa Ambasade y’Abaholandi.

Uyu muhanda wari warafunzwe ubwo hitegurwaga inama ya AU
Igice cy’iburyo cya Rond point ya KBC iruhande rwa Kigali Convention Centre cyabaye nyabagendwa ku binyabiziga

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved