00:00:00 IGIHE NETWORK KN KINYARWANDA EN ENGLISH FR FRANCAIS

Ibivugwa ku gitero cyaguyemo abapolisi batatu i Dar es Salaam

Yanditswe na Muhonzire Sylvine
Kuya 26 Kanama 2021 saa 10:54
Yasuwe :
0 0

Perezida wa Tanzania, Samia Suluhu, yatangaje ko abantu bane barimo abapolisi batatu aribo baguye mu gitero cy’amasasu cyagabwe hafi ya Ambasade y’u Bufaransa muri iki gihugu kuwa Gatatu tariki 25 Kanama 2021.

Polisi y’iki gihugu yatangaje ko aba bantu barashwe ahagana saa sita n’umugabo utaramenyekana wari witwaje imbunda ya SMG mu muhanda i Dar-es Salaam.

Umuyobozi Mukuru wa Polisi, IGP Simon Sirro, yavuze ko uyu mugabo yaje asatira abapolisi arasa babiri ako kanya, afata imbunda zabo agenda azirashisha hejuru agana kuri ambasade abantu barahunga batandatu barakomereka, gusa yahise araswa arapfa.

IGP Sirro yavuze ko umwirondoro n’inkomoko by’uyu mugabo bitaramenyekana, aho bakeka ko ashobora kuba afitanye isano n’inyeshyamba zo mu Majyaruguru ya Mozambique.

Gusa umuyobozi uhagarariye ibikorwa bya Polisi, Liberatus Sabas, yabwiye ibitangazamakuru byo muri Tanzania ko iraswa ryabayeho nta sano rifitanye n’iterabwoba nk’uko abasesenguzi benshi babivuze ku mbuga nkoranyambaga.

Yongeyeho ati “Abantu bagomba gutuza mu gihe polisi igikora iperereza kuri uyu mugabo wakoze ibi n’icyo yari agamije. Ikindi ndasaba abantu gukorana n’inzego za polisi cyane cyane abantu bashobora kuba bafite amakuru kugira ngo twihutishe iperereza.”

Perezida Suluhu Hassan yihanganishije imiryango y’Abapolisi baguye muri icyo gitero, agaragaza ko ababajwe n’ibyabaye ategeka ko hatangira iperereza ryihuse.

Aha uyu mugabo yari amaze kuraswa
Bikekwa ko uyu mugabo afitanye isabo n'inyeshyamba zo mu majyaruguru ya Mozambique
Abantu bane baguye mu gitero cy'amasasu cyagabwe n'umugabo utaramenyekana hafi ya Ambasade y'u Bufaransa, nawe araraswa arapfa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .