Kwamamaza

Ibitaro bya Kabgayi byari bimaze icyumweru bigwatiriye umurambo byawutanze

Yanditswe kuya 7-09-2016 saa 21:14' na Ezechiel Mbananabo


Ubuyobozi bw’Ibitaro bya Kabgayi buratangaza ko bwatanze umurambo w’umugabo byavugwaga ko yari amaze icyumweru abiguyemo ariko bikanga kuwushyikiriza umuryango we kubera ko hari amafaranga usabwa kwishyura ukaba warayabuze.

Ku gicamunsi cyo kuri uyu wa Gatatu nibwo amakuru yasakaye mu bitangazamakuru bitandukanye avuga ko umurambo w’umugabo witwa Munyaneza Samuel umaze icyumweru mu bitaro bya Kabgayi biherereye mu Karere ka Muhanga nyuma y’uko byanze kuwuha umuryango we.

Mu kiganiro na IGIHE, Umuyobozi w’ibi bitaro, Kajibwami Espoir, yavuze ko icyo kibazo atari akizi kuko atigeze akimenyeshwa, ariko ko nyuma yo kukimenya yahamagaye umuryango w’uyu mugabo ukaza gufata umurambo kugira ngo ushyingurwe.

Yagize ati “Umurambo watanzwe uyu munsi. Nta muntu n’umwe waje kumbwira icyo kibazo.Nahamagaye bariya bantu ba nyiri umuntu ngo baze kuwutwara kuko ubwishyu si cyo kibazo gikomeye.Niba umuntu yabuze amafaranga harebwa ubundi buryo yabonekamo.”

Bivugwa ko uyu mugabo yageze mu bitaro bya Kabgayi tariki 24 Kanama 2016 yoherejwe n’Ikigo Nderabuzima cya Shyogwe ,ahamaze icyumweru kimwe, mu ijoro ryo kuwa Gatatu tariki 31 Kanama 2016 aba arapfuye.

Umunyamabanga Nshingwabikorwa w’Umurenge wa Shogwe ibitaro bya Kabgayi biherereyemo, Habinshuti Vedaste yirinze kugira byinshi atangaza kuri aya makuru kuko ngo ibyinshi byabazwa ibi bitaro, gusa yavuze ko ku wa Mbere w’iki cyumweru ari bwo yumvise amakuru ko hari umuntu wabiguyemo byanga gutanga umurambo we kubera ko umuryango we wabuze ubwishyu.

Icyakora Habinshuti wavuze ko ari mushya muri uyu murenge, yatubwiye ko Munyaneza Samuel yari asanzwe atuye mu Kagari ka Mbare ho mu Murenge wa Shyogwe.

Hashize iminsi humvikana ibitaro bigwatira abarwayi bazira ko babuze ubwishyu bwa serivisi z’ubuvuzi bahawe, ariko Minisiteri y’Ubuzima yatangaje ko nta mabwiriza yigeze na rimwe itanga yo gufatira abarwayi.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved