Polisi y’u Rwanda igiye guteza cyamunara ibinyabiziga bisaga 3000

Yanditswe na Uwishyaka Jean Louis
Kuya 21 Ukwakira 2016 saa 12:09
Yasuwe : XX
0

Polisi y’u Rwanda iravuga ko igiye guteza cyamunara imodoka 114, Moto 1,493 n’amagare 1,441 byakoze amakosa mu muhanda, hirya no hino mu gihugu.

Umuvugizi wa Polisi mu ishami ryo mu muhanda, CIP Kabanda Emmanuel yabwiye IGIHE ko ibi binyabiziga bigiye gutezwa cyamunara ari iby’abakoze amakosa mu muhanda, ariko ba nyirabyo bakanga kujya kwiyerekana kugira ngo ibibazo bifite bikemurwe, na byo birekurwe.

Avuga ko Polisi y’u Rwanda yafashe iki cyemezo ishingiye ku itegeko N0 34/1987 ryo ku wa 17 Nzeri 1987 rishyiraho amabwiriza rusange agenga imihanda n’uburyo bwo kuyigendamo, mu ngingo zaryo, 151, 152, 153, na 154 zerekeye gufunga ibinyabiziga.

Imwe muri izo ngingo (151) ivuga ko gufunga ikinyabiziga ari ukukijyana ahantu hagenwe n’umutegetsi wa Leta ubifitiye ububasha, kikahaguma kugeza igihe abitegekeye kandi kikishingirwa na nyiracyo ku byerekeye amafaranga agitangwaho.

Uko gufungwa gushobora kubanzirizwa no kukibuza kugenda biteganywa n’ingingo 24 y’itegeko n° 34/1987 ryo kuwa 17 Nzeri 1987 ryerekeye imihanda n’uburyo bwo kuyigendamo.

Yagize ati “Bigiye gutezwa cyamunara muri gahunda yo kugira ngo ibyo bidakomeza kwangirika mu buryo bwa burundu.”

CIP Kabanda yavuze ko cyamunara izakorwa nyuma y’ukwezi uhereye igihe iryo tangazo ryatangiwe.

Moto zirenga 1000 zizatezwa cyamunara nyuma yo gufatirwa na polisi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza