Kwamamaza

Ibihugu bya Comesa byasabwe kongera amashanyarazi mu gufasha inganda

Yanditswe kuya 19-10-2016 saa 14:48' na Ntakirutimana Deus


Ibihugu bihuriye mu muryango w’ibihugu bya Afurika y’u Burasirazuba n’Amajyepfo (COMESA), birasabwa kongera umuriro w’amashanyarazi, nka kimwe mu bizafasha inganda zo muri ako karere gutera imbere n’icyaro kidasigaye inyuma.

Ibi byagarutsweho mu gihe hategurwa inama ya gatatu ya iPAD Rwanda Energy Infrastructure Forum, izateranira i Kigali, yiga uburyo hazamurwa urwego rw’ingufu muri aka karere.

Mu itangazo ryashyizwe ahagaragara n’Umunyamabanga Mukuru wungirije wa Comesa, Dr Kipyego Cheluget, yavuze ko iyo inganda cyangwa se ibigo by’ubucuruzi bibashije kubona umuriro uhagije bikoresha, iba ari inzira nziza zo gutera imbere ndetse no guhanga umurimo.

Avuga kandi ko umuryango wa COMESA uzafasha mu kwihutisha ishyirwa mu bikorwa ry’iyi ntego yo kugira umuriro w’amashanyarazi uhagije, aho yatanze urugero rw’umuyoboro w’ingufu z’amashanyarazi uzahuza ibihugu bya Zabmbia-Tanzania na Kenya ndetse n’undi uhuriweho na Uganda-u Rwanda n’u Burundi.

Iri huriro riteganyijwe kuba kuva tariki ya 1 kugeza ku ya 2 Ugushyingo 2016, rizaba ari umwanya wo gukurura abashoramari, abakora imishinga, Amabanki, abahagarariye sosiyete zitandukanye, abahagarariye za guverinoma, abatanga serivisi z’ikoranabuhanga mu Rwanda, abo mu bihugu by’Umuryango wa Afurika y’u Burasirazuba (EAC) ndetse n’abandi baturutse mu bice bitandukanye by’Isi.

Iryo huriro rizaba rigamije gushishikariza abashoramari n’abakora imishinga itandukanye n’abayitera inkunga kwibanda ku kongera amashanyarazi n’ibikorwaremezo biyashamikiyeho.

Ku ruhande rw’u Rwanda ngo uzaba ari umwanya mwiza wo gusangiza abazaba bitabiriye iyo nama ibyo rwagezeho, imbogamizi rugihura nazo, ingamba n’imyanzuro rwafashe mu kongera ubumenyi bugamije iterambere rirambye muri urwo rwego nkuko The New Times ibitangaza.

Cheluget yavuze ko akarere gakeneye kongera ingufu kugira ngo bizafashe koroshya ikoreshwa ry’amashanyarazi, cyane aho bigoye kugera.

Iyi nama biteganyijwe ko izafungurwa na Minisitiri w’Ibikorwaremezo, Musoni James, yatewe inkunga n’ikigo gishinzwe ingufu mu Rwanda (REG), n’Ikigo cy’Igihugu cy’Iterambere (RDB).

U Rwanda rushishikajwe no guteza imbere urwego rw’ingufu, aho uruganda rutunganya umuriro ukomoka kuri Nyiramugengeri ruri kubakwa mu gihugu, ruzatanga 80MW ndetse rukazaba ari rwo rwa mbere runini muri Afurika.

U Rwanda rwihaye intego yo kongera amashanyarazi akagezwa ku baturage 70% mu 2018.

Ubwo yavugaga kuri iyi nama, Umuyobozi wa Great Lakes Energy Rwanda, Sam Dargan, yavuze ko u Rwanda ari igihugu cyabanjirije ibindi mu gukoresha ikoranabuhanga ry’amashanyarazi aturuka ku mirasire y’izuba mu bihugu biri munsi y’ubutayu bwa Sahara, kandi ko na sosiyete zitanga izo serivisi zikorera mu Rwanda zashoye imari mu ikoranabuhanga ndetse ko zinakomeje ibyo bikorwa.

Inama ya iPAD Rwanda yateguwe na sosiyete Spintelligent ikorera mu mujyi wa Cape Town muri Afurika y’Epfo ikora ibijyanye no gutegura inama n’imurikagurishwa ry’ubucuruzi na African office of Clarion Events ifite icyicaro mu Bwongereza.

Ibihugu bya COMESA birasabwa kongera umuriro w'amashanyarazi hitawe ku nganda

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 19 Ugushyingo 2016
Copyright © 2009 -2014 - IGIHE Ltd - All Rights Reserved