Kwamamaza

I Rusizi, impanuka y’imodoka yatanyije abakundana biteguraga kurushinga

Yanditswe kuya 7-08-2016 saa 09:46' na Sitio Ndoli


Twegerane itwara abagenzi (Taxi Minibus) yari ivuye i Rusizi yerekeje mu Murenge wa Bushenge mu Karere ka Nyamasheke, yakoze impanuka ihitana umusore wari wicaranye n’umukunzi we bavuye mu myiteguro y’ubukwe.

Iyi mpanuka yabaye ahagana saa moya z’ijoro igeze mu Murenge wa Giheke, kuri uyu wa gatandatu tariki ya 6 Kanama 2016.

Iyi modoka yari itwawe n’umugabo w’imyaka 27, yarenze umuhanda biturutse ku muvuduko mwinshi yari ifite hapfa umuntu umwe ariwe Bazimaziki Theogene mu gihe abandi 11 bakomeretse.

Amakuru agera kuri IGIHE ni uko uyu wapfuye yari kumwe n’umukunzi we bicaye imbere bavuye kwipimisha agakoko gatera Sida ngo kuko mu minsi ya vuba bari bagiye kurushinga.

Umwe mu babonye iyi mpanuka, utashatse ko amazina ye atangazwa yavuze ko iyi modoka yari iri kwiruka cyane ikarenga umuhanda kandi ko ‘hari umukobwa wakomeretse wari uri kuvuga ko uwapfuye ari umukunzi [cheri] we, bari bavuye kwipimisha Sida i Gihundwe’.

Uhagarariye Polisi y’u Rwanda mu Karere ka Rusizi, SP Sano Nkeramihigo yemeje aya amakuru avuga ko iyi mpanuka yaturutse ku muvuduko mwinshi yari ifite igata umuhanda.

Umurambo wajyanywe ku bitaro bya Bushenge mu gihe n’abandi batandatu bakomeretse bajyanywe kubyo mu Karere ka Nyamasheke, abandi batanu bajyanywa ku bya Gihundwe mu Karere ka Rusizi.

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved