Hashyizweho ba gitifu b’Intara bashya barimo babiri bayoboraga uturere

Yanditswe na Ferdinand Maniraguha, Thamimu Hakizimana
Kuya 6 Ugushyingo 2019 saa 11:59
Yasuwe :
0 0

Minisitiri w’Intebe Dr Edouard Ngirente yashyizeho abanyamabanga Nshingwabikorwa bashya mu Ntara y’Amajyaruguru, Iburengerazuba, Amajyepfo no mu Ntara y’Iburasirazuba.

Uwambajemariya Florence wari Umuyobozi w’Akarere ka Burera yagizwe Umunyamabanga Nshingwabikorwa w’Intara y’Iburengerazuba asimbuye Habiyaremye Pierre Célestin.

Dr Jeanne Nyirahabimana wari Meya w’Akarere ka Kicukiro yagizwe Umunyamabanga Nshingwabikorwa w’Intara y’Iburasirazuba asimbuye Habimana Kizito.

Jabo Paul wari umunyamabanga Nshingwabikorwa w’Intara y’Amajyaruguru yajyanywe mu Majyepfo naho Mushaija Geoffrey wari mu Majyepfo abisikana na Jabo ku bunyamabanga Nshingwabikorwa bw’Intara y’Amajyaruguru.

Umunyamabanga Nshingwabikorwa mu Ntara ashinzwe gutanga amabwiriza ku bakozi b’Intara, guhuza no kugenzura ibikorwa byabo; gutegura igenamigambi ryo ku rwego rw’Intara no gukurikirana uko rishyirwa mu bikorwa; gusuzuma amadosiye n’izindi nyandiko zigomba kwemezwa cyangwa gushyirwaho umukono na Guverineri w’Intara ;kuba Umuyobozi Mukuru ushinzwe gucunga ingengo y’imari y’Intara , gukurikirana imirimo ikorerwa ku rwego rw’Intara, gukurikirana itangwa ry’amasoko ku rwego rw’Intara n’ibindi.

Dr Jeanne Nyirahabimana wari Meya w’Akarere ka Kicukiro yagizwe umunyamabanga Nsingwabikorwa w’Intara y’Iburasirazuba
Uwambajemariya Florence wari Umuyobozi w'Akarere ka Burera yagizwe Umunyamabanga Nshingwabikorwa w'Intara y'Iburengerazuba
Jabo Paul wari umunyamabanga nshingwabikorwa w’Intara y’Amajyaruguru yajyanywe mu Majyepfo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza