Guverinoma yihanganishije imiryango y’abantu 17 bazize inkuba (Video)

Yanditswe na Rabbi Malo Umucunguzi
Kuya 13 Werurwe 2018 saa 10:45
Yasuwe :
0 0

Minisitiri w’Ububanyi n’Amahanga akaba n’Umuvugizi wa Guverinoma, Louise Mushikiwabo, yihanganishije imiryango yabuze ababo mu baheruka gukubitwa n’inkuba mu minsi ishize.

Mu kiganiro n’abanyamakuru kuri uyu wa Kabiri, Mushikiwabo yavuze ko leta yiteguye gukomeza gufasha Abanyarwanda kwirinda cyane ko ibihe by’imvura biri hafi.

Yagize ati “Ndihanganisha Abanyarwanda, imiryango yabuze ababo bazize inkuba, Abanyarwanda bageze kuri 17. Guverinoma y’u Rwanda yarabatabaye, mwarabikurikiye, ni ikintu giteye agahinda ariko ni no kureba uburyo muri ibi bihe bikomeza guhinduka bijyanye n’imvura ikomeye, imiyaga n’ibindi, kubafaha kwirinda no kumenya aho bugama neza mu kwirinda mu gihe ibihe by’imvura biri hafi.”

Ku gicamunsi cyo ku wa 11 Werurwe, abayobozi mu nzego zinyuranye za Leta bifatanyije n’abaturage bo mu Karere ka Nyaruguru mu muhango wo gushyingura abadiventisiti 16 bapfuye bakubiswe n’inkuba mu cyumweru gishize, bari mu materaniro.

Ku Cyumweru na bwo ahagana 12:45 z’amanywa, inkuba yakubise abantu bane umwe ahita yitaba Imana mu Murenge wa Ndora, ku rusengero rwa ADEPR Gisagara.

Abayobozi mu nzego zinyuranye za Leta zirimo iz’Intara y’Amajyepfo n’Akarere ka Nyaruguru bifatanyije n’abaturage bo muri aka Karere mu muhango wo gushyingura abadivantisiti 16 bapfuye.

Minisitiri w’Ububanyi n’Amahanga, Louise Mushikiwabo, yihanganishije imiryango yabuze ababo mu baheruka gukubitwa n’inkuba/ Ifoto: Niyonzima Moses
Abahitanywe n'inkuba mu Karere ka Nyaruguru bashyinguwe ku Cyumweru

Camera & Editing: Kazungu Armand


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza