Kwamamaza

Guverinoma yihanganishije umuryango wa Senateri Jean de Dieu Mucyo

Yanditswe kuya 5-10-2016 saa 08:00' na Ntakirutimana Deus


Guverinoma y’u Rwanda yihanganishije Umuryango wa Senateri Mucyo Jean de Dieu witabye Imana ku wa Mbere tariki ya 3 Ukwakira 2016.

Abicishije ku rubuga rwa Twitter, Minisitiri w’Intebe Anastase Murekezi yihanganishije Umuryango wa Senateri Mucyo, agaruka no ku butwari bwamuranze mu gihe cyose yamaze akorera igihugu.

Yagize ati “Guverinoma y’u Rwanda itewe agahinda n’urupfu rwa Nyakubahwa Senateri Mucyo Jean de Dieu, yakoranaga umurava mu gukorera u Rwanda, nihanganishije umuryango we. Imana yakire roho ye, naruhukire mu mahoro.”

Ubutumwa bwa Minisitiri w’Intebe bwihanganisha Umuryango wa Senateri Mucyo bunajyana no kugaragaza uko yabonwaga, buje bukurikira ubw’abayobozi batandukanye mu Rwanda.

Minisitiri w’Ubutabera Busingye Johnston abicishije ku rubuga rwa Twitter yagize ati “Ruhukira mu mahoro Nyakubahwa Mucyo, umurage wawe ukomeye wagize u Rwanda ahantu Abanyarwanda bose baterwa ishema no kuhita iwabo aho batuye n’aho bagenda.”

Perezida wa Sena, Bernard Makuza yavuze urupfu rwa Senateri Mucyo ari akababaro ku gihugu, kandi ko bahombye umukozi w’umurava.

Ati "Mucyo rero mu by’ukuri adusizemo icyuho, kuko ni umubyeyi ariko ni n’umwe mu bitangiye igihugu.Ni umuntu wakoraga akazi n’ubwitange bwinshi cyane kandi agakora ibishoboka byose kugira ngo umurimo akora utungane. Ni akababaro rero ku gihugu."

Olivier Nduhungirehe, Ambasaderi w’u Rwanda mu Bubiligi yagarutse ku mirimo itandukanye Mucyo bakomoraga mu yahoze ari komini imwe yitwaga Mbazi. Imwe muri yo irimo kuba yarabaye Umushinjacyaha Mukuru, aba umuyobozi wa Komisiyo yigaga ku ruhare rw’Abafaransa muri Jenoside yakorewe Abatutsi n’indi myanya itandukanye. Yavuze ko Mucyo yari inyangamugayo, asabira roho ye kuruhukira mu mahoro.

Senateri Mucyo yitabye Imana ahagana saa tatu n’iminota icumi ubwo yajyaga mu kazi. Yaje kunyerera ku ngazi (escaliers) yitura hasi ajyanywe kwa muganga ari naho yapfiriye.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved