Kwamamaza

Guverinoma ntiyanyuzwe n’imbabazi zasabwe na Kiliziya kuri Jenoside

Yanditswe kuya 23-11-2016 saa 16:24' na Rabbi Malo Umucunguzi


Guverinoma y’u Rwanda yavuze ko imbabazi Kiliziya Gatolika yasabye kubera uruhare rw’abayoboke bayo muri Jenoside yakorewe Abatutsi mu 1994, yabikoze muri rusange kandi ko harimo ingingo zitaboneye.

Mu butumwa busoza umwaka wa Yubile y’Impuhwe z’Imana, Kiliziya Gatolika yasabye imbabazi ku bw’abayoboke bayo bagize uruhare muri Jenoside yakorewe Abatutsi mu 1994, mu rwandiko rwasinyweho n’abepisikopi icyenda bo mu Rwanda, ryagombaga gusomwa nyuma ya misa yo ku wa 20 Ugushyingo 2016.

Bati “Nubwo Kiliziya ntawe yatumye kugira nabi, twebwe abepisikopi gatolika, ku buryo bw’umwihariko, twongeye gusaba imbabazi kubera bamwe mu bana bayo, abasaseridoti, abihayimana n’abakirisitu bagize uruhare muri jenoside yakorewe abatutsi.”

Mu itangazo ryashyizwe Minisiteri y’Ubutegetsi bw’Igihugu, yashyize ahagaragara yatangaje ko iyi ari intambwe nziza yo kwicuza, ariko bitagaragaza aho Kiliziya Gatolika ihagaze mu gufata ibikorwa byabaye nk’ibyayo.

Riti “Icya mbere, nk’uko basaba imbabazi ku ruhande rw’abantu bamwe batanavugwa amazina, abepisikopi basa n’abashaka ahubwo gukura Kiliziya muri ibyo bintu, ku ruhare urwo arirwo rwose yaba yaragize muri Jenoside. Ibimenyetso bigaragara mu mateka binyuranya n’ibyo.’’

“Icya kabiri, birababaje kuba bamwe mu bapadiri baranze gusomera abakirisitu babo itangazo ryatanzwe n’abepisikopi nk’uko byari biteganyijwe, bigasa n’aho bitandukanyije n’icyo gikorwa cyo kwicuza.’’

Guverinoma kandi ivuga ko hagendewe ku bukana bw’ibyabaye, bikwiye ko Vakitan isaba imbabazi nk’uko ijya ibikora habaye ibifite uburi munsi y’ibyabaye mu Rwanda.

Minisiteri y’Ubutegetsi bw’Igihugu yavuze ko ishima uruhare rw’abepisikopi mu kurwanya ingengabitekerezo ya Jenoside, kandi izakomeza kugira uruhare mu biganiro byeruye na Kiliziya Gatolika, bizatuma ibasha kurenga ahahise hayo nta bwoba, nk’uko Abanyarwanda bamaze imyaka 22 babikora.

Nyuma yo gusaba imbabazi ku ruhande rw’abakirisitu, Impuzamiryango y’amashyirahamwe y’abarengera inyungu z’abarokotse Jenoside yakorewe Abatutsi mu 1994, IBUKA, yahise itangaza ko iteganya kuganira na Kiliziya Gatolika bakarebera hamwe uko yafasha mu gutanga indishyi ku barokotse Jenoside.

Minisitiri w'Ubutegetsi bw'Igihugu, Francis Kaboneka

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved