Kwamamaza

Guhanga imirimo ntabwo ari ku ngufu, ushaka kurya azayihanga- Minisitiri Uwizeye

Yanditswe kuya 24-10-2016 saa 16:01' na Tombola Felicie


Minisitiri w’Abakozi n’Umurimo, Judith Uwizeye, yatangaje ko urubyiruko rukeneye imibereho myiza arirwo rugomba guhaguruka rugahanga imirimo aho kwishyiramo ko ari igitutu bashyirwaho na Leta.

NEP-Kora Wigire ni imwe mu nkingi za Gahunda y’Igihugu y’Imbaturabukungu, EDPRS II, n’iy’Icyerekezo 2020. Yibanda ku gufasha abagore n’urubyiruko kubona igishoro cyo guhanga imirimo bahabwa ingwate cyangwa inkunga ku mishinga bateguye kugeza kuri 75%.

Mu kiganiro n’abanyamakuru gisobanura ubukungurambaga kuri ‘NEP-Kora Wigire’ buzamara ukwezi, abanyamakuru bagarutse ku mpamvu hatabaho ‘Hanga umurimo muyobozi’, bityo ngo aribo [abayobozi] baha akazi urubyiruko kuko rwo nta gishoro rufite.

Minisitiri w’Umurimo Judith Uwizeye yasobanuye ko uzumva akeneye kurya, azafata iya mbere agahanga umurimo.

Yashimangiye ko aho kugira ngo bimere nko gutererana umupira, bigomba kumvikana neza ko guhanga imirimo nta muyobozi bifitiye akamaro ahubwo bigafitiye ababikora bo bakeneye amafaranga.

Ati “Ninumva nshonje, nkumva nshaka amafaranga nzahanga imirimo. Nizere ko cyumvikanye. Ntabwo turi kugabururira umwana utazi kwirisha. Niba tuzi icyo dukora, tukaba dushonje, tukaba dushaka amafaranga ,ya mirimo natwe ubwacu tuzashyiramo uruhare, tuzashyiramo ubushake mu kuyihanga.”

“Ntabwo turimo kubibahatira ngo nyamuneka byanze bikunze nimuhange imirimo, ntabwo ari ku ngufu. Igisubizo ni iki ‘Ninumva nshonje, nshaka amafaranga, nanjye nzagira uruhare mu guhanga cyangwa mu gushyiraho icyamfasha kugira ngo mbashe gufungura.”

Minisitiri Uwizeye yakomeje avuga ko umuyobozi utarahanga umurimo, ari uko ahagijwe n’amafaranga abona. Ati “Niba ntarabigeraho nk’umuyobozi ni uko amafaranga mfite ampagije, wowe utayafite gira uruhare mukuyashaka kuko niwowe bifitiye umumaro, ntabwo ari umuyobozi.”

Kuri iki kibazo,Minisitiri w’Urubyiruko n’Ikorabuhanga, Jean Philbert Nsengimana asanga mu gushyiraho ingamba n’uburyo bwafasha abaturage ari ko guhanga umurimo kwabo kwa buri munsi.

Kuva gahunda ya NEP-Kora Wigire yatangira muri 2014, hamaze guhangwa imirimo 80,672. Ni ukuvuga ko mu mwaka wa mbere hahanzwe imirimo ibihumbi 29 na ho umwaka wa kabiri hagahangwa imirimo ibihumbi 51 672.

Mifotra igaragaza neza ko gahunda ya NEP-Kora Wigire atari yo yonyine igomba guhanga imirimo ibihumbi 200 idashingiye ku buhinzi Leta yihaye nk’uko bamwe babivuga ko ahubwo ari rumwe mu nzego zifasha ngo iyo mirimo igerweho.

Uku kwezi kw’ubukangurambaga bwa NEP-Kora Wigire buje gutuma abaturage bamenya gahunda zihari zo kubafasha kwihangira imirimo dore ko imihigo ya 2015/2016 yagaragaje ko abaturage bo hasi batazi gahunda ya Hanga Umurimo ndetse n’inzego zigomba kuyibafashamo.

Ubu bukangurambaga buzazenguruka uturere 30 tw’igihugu, hasurwa ibyo gahunda ya Kora Wigire yagejeje ku bayitabiriye ndetse n’abandi berekwa ibyiza biyirimo bikazagirwamo uruhare na Minisiteri esheshatu, ibigo12 bizishamikiyeheho ndetse n’uturere twose.

Ubu bukangurambaga bwatangiye tariki ya 21 Ukwakira buzasozwa tariki ya 21 Ugushyingo 2016 bufite insanganyamatsiko igira iti”Twiteze imbere, twihangira imirimo”

Minisitiri w'Abakozi n'Umurimo, Judith Uwizeye
Minisitiri w'Urubyiruko n'Ikoranabuhanga, Jean Philbert Nsengimana
Inzego zitandukanye ziri muri ubu bukangurambaga bwa NEP-Kora Wigire

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved