Kwamamaza

Gisagara: Umurwayi wo mu mutwe yishe abantu babiri abatemye imitwe

Yanditswe kuya 20-09-2016 saa 21:32' na Thamimu Hakizimana


Umurwayi wo mu mutwe yishe abantu babiri barimo umugabo w’imyaka 60 n’umwana w’imyaka umunani witwa Kwizera Jean de Dieu.

Ibi byabereye mu Kagali ka Nyaruteja mu Murenge wa Nyanza mu Karere ka Gisagara mu gitondo cyo kuri uyu wa Mbere tariki ya 19 Nzeri 2016, ahagana saa moya, ubwo uyu murwayi wo mu mutwe, yatse umuhoro umugabo wari mu murima amutemana n’uwari uje kumutabara bahita bapfa.

Umuyobozi w’Akarere ka Gisagara, Rutaburingoga Jérôme yemereye IGIHE iby’urupfu rw’aba bantu ndetse anemeza ko uyu murwayi yabishe abatemye imitwe.

Yagize ati “ Nibyo bishwe n’umurwayi wo mu mutwe , yasanze umusaza wari uri gushyira ifumbire mu murima we amwambura umuhoro yari afite undi ntiyamenya ibyo ari byo ahita awumutemesha, umwana w’umuturanyi w’uwo mugabo yishe yahise aza gutabara nawe yahise amwica amutemye mu mutwe no ku ijosi.”

Yongeyeho ko uyu murwayi akimara gukora ubu bwicanyi yahise afata umutwe w’uwo mugabo awushyira mu muhanda.

Rutaburingoga avuga ko uyu murwayi wo mu mutwe yigeze kujyanwa i Ndera mu 2014.

Akimara gukora ubu bwicanyi Polisi yahise imuta muri yombi aho biteganyijwe ko agomba guhita asubizwa mu bitaro by’abarwayi bo mu mutwe i Ndera.

Abishwe bashyinguwe

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved