Kwamamaza

Gisagara: Hatoraguwe umurambo w’umugabo

Yanditswe kuya 24-08-2016 saa 21:16' na Ezechiel Mbananabo


Mu Murenge wa Save mu Karere ka Gisagara kuri uyu wa Kabiri hatoraguwe umurambo w’umugabo bikekwa ko yishwe akubiswe.

Nteziryayo Anastase uri mu kigero cy’imyaka 35 yabonywe n’umuryango we nyuma y’iminsi ibiri umubuze kuko ngo yagiye ku Cyumweru ntiyongera kugaruka.

Mu rukerera rwo kuri uyu wa Kabiri ni bwo bumvise ko abaturage babonye umurambo w’umuntu wapfuye mu murima asa n’uwakubiswe ndetse yambuwe imyenda.

Mu kiganiro IGIHE yagiranye n’Umuvugizi wa Polisi mu Ntara y’Amajyepfo, CIP André Hakizimana, yemeje amakuru y’urupfu rw’uyu mugabo, ariko avuga ko hataramenyekana intandaro yarwo kuko iperereza rigikomeje.

Yagize ati “Twarabimenye tumusanga aho yapfiriye, umurambo we tuwujyana kwa muganga kugira ngo tumenye igishobora kuba cyamwishe, kugeza ubu nta gisubizo baraduha. Twatangiye kubaza abaturiye ahabonetse uwo murambo niba hari ababigezemo uruhare ngo bafatwe ariko kugeza ubu mu iperereza turi gukora nta muntu uratabwa muri yombi akekwaho urupfu rwe.”

Ubuyobozi bwa Polisi mu Karere ka Gisagara bwavuze ko akenshi ahantu iyo hagaragara impfu nk’izi biterwa n’uko amarondo aba adakorwa neza.

Abatuye Umurenge wa Save basabwe kwitabira gukora amarondo, kuko ngo ngo abaye akorwa uko bikwiye n’ibyaha bikorwa mu ijoro cyangwa izindi mpanuka bishobora guhagarara.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 1 Ukwakira 2016
Copyright © 2009 -2014 - IGIHE Ltd - All Rights Reserved