Kwamamaza

Gisagara:Abayobozi b’ibitaro bya Kibirizi mu gihome bazira miliyoni zisaga 200

Yanditswe kuya 31-08-2016 saa 16:00' na Umutoni Rosine


Dr Faustin Ngaboyeka wari umuyobozi w’Ibitaro bya Kibirizi, hamwe na Kamuzinzi John, wari ushinzwe imari n’ubutegetsi bafungiye muri gereza ya Karubanda by’agateganyo bakurikiranwe kunyereza miliyoni 202.

Umuyobozi w’inama y’ubutegetsi y’Ibitaro bya Kibirizi, Muyenzi Robert, mu kiganiro yagiranye na IGIHE yavuze ko ubugenzuzi bwagaragaje ko aba bayobozi bakoresheje nabi umutungo wa Leta.

Yagize ati “Bazize ikibazo kijyanye no gukoresha nabi umutungo, byagaragajwe n’ubugenzuzi ko hari miliyoni 202 batagaragaje uko zakoreshejwe.”

Muyenzi yakomeje avuga ko Dr Faustin Ngaboyeka na Kamunzinzi John (admnistrateur )bafungiye by’agateganyo muri gereza Karubanda aho bamaze iminsi igera kuri itatu.

Akomeza avuga ko nyuma yo kubona abayobozi b’ibi bitaro bagenda batabwa muri yombi kubera gukoresha nabi umutungo, bafashe ingamba zo kujya bakora igenzura buri kwezi.

Amakuru agera kuri IGIHE avuga ko hari abandi bakozi bo mu bitaro bya Kibirizi bacyekwaho kugira uruhare mu kunyereza ziriya miliyoni 202, kuri ubu bakaba baraburiwe irengero.

Umuvugizi wa Polisi mu Ntara y’Amajyajyepfo, CIP André Hakizimana yatangaje ko nta muntu waburiwe irengero.

Yagize ati “Ntabwo ari byo nta waburiwe irengero, turacyakora iperereza sinakubwira ngo abandi bacyekwa ni bande. Ntabwo dutangaza amazina y’umuntu kugirango bitica iperereza.”

Dr Ndagijimana Sylvestre wahoze ari umuyobozi w’Ibitaro bya Kibirizi mu Karere ka Gisagara, yanyereje umutungo wa Leta, ugizwe n’ibyuma bibiri bya ‘echographie’ ahamwa n’ibyaha akaba yarakatiwe gufungwa imyaka irindwi mu mwaka wa 2015.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved