Kwamamaza

Gisagara: Abafite ubumuga baracyanyotewe no kubona impinduka

Yanditswe kuya 9-09-2016 saa 15:59' na Prudence Kwizera


N’ubwo bishimira ko hari byinshi bimaze guhinduka mu mibereho yabo, bamwe mu bafite ubumuga bo mu Mirenge itandukanye y’akarere ka Gisagara, bavuga ko bakibangamiwe nuko hari amategeko abarengera atubahirizwa ndetse bakaba bagorwa no kubona bimwe mu byangombwa by’ibanze bakenera mu buzima.

Mu karere ka Gisagara habarizwa abafite ubumuga bagera ku 5,658 batuye mu tugari 59 tugize aka Karere.

Bavuga ko kuri ubu imiberereho yabo yahindutse ugeraranyije na mbere kuko nta muntu ukibanena, kandi ngo basigaye barayobotse gahunda zo kwiteza imbere.

Cécile Nyirambarushimana utuye mu Murenge wa Kigembe, afite ubumuga bw’ukuguru ndetse agendera ku mbago, avuga ko abafite ubumuga batakiri mu bwigunge kuko basigaye bakorera mu matsinda hamwe n’abandi, ariko ko hakiri bimwe mu bibazo bafite bitarakemuka.

Ati “Kugeza ubu turacyafite ikibazo cyo kubona insimburangingo cyangwa inyunganirangingo kuko zirahenda kandi ku mavuriro abazigurisha ntibakorana na Mituweri, iyo tugezeyo badusaba kuzigurira 100%, turifuza ko ubuyobozi bwazabyigaho kuzibona bikajya bikorana na Mituweri”.

Boniface Hategekimana ufite ubumuga bwo kutabona, yibaza impamvu amwe mu mategeko abarengera atubahirizwa, agasaba ko inzego zibishinzwe zakita kuri iki kibazo.

Umukozi uhagarariye inama y’igihugu y’abafite ubumuga mu karere ka Gisagara, Elise Bakundukize avuga ko ibibazo nk’ibyo bagenda babikorera ubuvugizi ku nzego zisumbuye kandi ko hari icyizere ko bizakemuka.

Ati “Ibyo bizazo turabizi kandi turabibona, cyane cyane kubona insimburangingo biracyagoranye kuko Mituweri ntabwo ikorana na bino bigo bikora insimburangingo, ariko dukomeje gukora ubuvugizi kandi twizeye ko bazatwumva bigakemuka”.

Ibindi bibazo abafite ubumuga bo muri aka karere bagaragaza ni uko nta mashuri ahari afasha gutanga uburezi ku bana batabona n’abatavuga.

Bamwe mu bafite ubumuga bo mu karere ka Gisagara basaba gukemurirwa bimwe mu bibazo bafite

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved