Gicumbi: Umugabo yishe ihene eshanu mu cyimbo cy’umugore, ahungira muri Uganda

Yanditswe na Evariste Nsengimana
Kuya 18 Mata 2017 saa 02:13
Yasuwe :
0 0

Umugabo witwa Garubanda w’imyaka 48 y’amavuko wo mu murenge wa Rubaya yashatse kwica umugore we aramucika, ahita yica ihene eshanu bari batunze, mu ijoro ryo kuwa 16 Mata 2017.

Umunyamabanga Nshingwabikorwa w’Umurenge wa Rubaya, Nkunzurwanda John yabwiye IGIHE ko Garubanda yashakaga kwica umugore yamubura akica ihene.

Yagize ati “Mu by’ukuri yashakaga kwica umugore, si ihene yashakaga. Kubera umugore n’abana bamumenyereye ko ari umunywi wa Kanyanga, bahise biruka. Nyuma rero yasubiye inyuma afata ifuni ahondagura ihene eshanu zose zirapfa.”

Yongeyeho ati “Ubwo rero kuko batuririye umupaka, yahise yambuka, umugore yaje guhuruza irondo nka sa kumi z’igitondo basanga yagiye muri Uganda.”

Yakomeje avuga ko n’ubusanzwe Garubanda yari umusinzi n’umunyarugomo kuko hari hashize amezi atanu gusa arangije igifungo cy’imyaka ibiri, aho yaziraga gutema agakomeretsa undi mugore.

Nkunzurwanda avuga ko umutekano mu ngo wari umeze neza uretse ikibazo cy’ibiyobyabwenge kuko umurenge wegereye umupaka, gusa ngo hari ingamba zafashwe zo gukumira abajya kuzinywera Uganda no kubigisha binyuze mu mugoroba w’ababyeyi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza