Gicumbi ku isonga mu kugira abageze mu zabukuru benshi

Yanditswe na Mukaneza M.Ange
Kuya 7 Ukwakira 2018 saa 12:44
Yasuwe :
0 0

Imibare itangwa na Minaloc igaragaza ko mu gihugu hose habarurwa abageze mu zabukuru 641 017, Akarere ka Gicumbi kakaba kihariye 22 452.

Mu gihe u Rwanda rwizihiza Umunsi Mpuzamahanga w’abageze mu zabukuru, Minisiteri y’Ubutegetsi bw’Iigihugu, igaragaza ko Akarere ka Gicumbi ariko kaza ku Isonga mu kugira abakuze benshi.

Bamwe mu bageze mu zabukuru bo mu Murenge wa Rukomo baganiriye na IGIHE, bagaragaje ko mu bibazo bakunze guhura nabyo ari ukutagira abantu babahora hafi.

Barahebuza Emmanuel w’imyaka 78 yagize ati "Urumva imbaraga zamaze gushira, ngerageza gusindagira njya guhinga ariko urumva mba nkeneye uwamba hafi. Abana banjye bose barashyingiwe, abato nabo baba baragiye kwishakira ubuzima."

Nyiramana we avuga ko hari n’ubwo usanga abana babo baza bakabasigira abuzukuru bakigendera, bakabashyiraho umutwaro wo kurera kandi nabo batishoboye.

Aba bageze mu zabukuru ariko bashima leta kuba igerageza kubafasha uko ishoboye, binyuze mu kubaha inkunga y’ingoboka, abafite imbaraga zo gukora bagahabwa akazi binyuze muri VUP.

Umuyobozi w’Akarere ka Gicumbi, Ndayambaje Félix, yatangaje ko nubwo muri aka karere hagaragaramo abageze mu zabukuru benshi harimo n’abafite imyaka isaga 100, batanga umusanzu mu iterambere binyuze mu kwitabira inama bagatanga ibitekerezo byubaka.

Umunsi Mpuzamahanga w’abageze mu zabukuru u Rwanda ruri kwizihizwa ku nshuro ya 18, ufite insanganyamatsiko igira iti " kwigira kwa buri wese : Umusingi w’amasaziro meza".

Ubusanzwe wizihizwa tariki ya 1 Ukwakira buri mwaka.

Mu Rwanda umuntu ugeze mu zabukuru ni umuntu wese ugejeje cyangwa se uri hejuru y’imyaka 65.

Urutonde rw’uko uturere dukurikirana mu kugira abari mu azabukuru ni mukanya…

Umunsi mukuru w'abari mu zabukuru wizihirijwe mu Karere ka Gicumbi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza