Kwamamaza

Gicumbi: Bitarenze Ukwakira, abangirijwe ibyabo n’ahanyuze amashanyarazi bazaba bishyuwe

Yanditswe kuya 3-10-2016 saa 16:58' na Pacifique Ntakirutimana


Ubuyobozi bw’Akarere ka Gicumbi buratangaza ko ibibazo bijyanye n’abaturage bangirijwe imitungo yabo n’ibikorwa byo gukwirakwiza amashanyarazi bagatinda kwishyurwa bizarangirana n’uku kwezi kwa cumi.

Mu kwezi gushize ubwo abagize Inteko Ishinga Amategeko, Umutwe w’Abadepite bakoreraga uruzinduko mu karere ka Gicumbi mu rwego rwo kwegera abaturage bakumva ibibazo byabo kimwe mu bibazo byagiye bigarukwaho n’abaturage by’umwihariko abo mu mirenge ya Miyove na Nyankenke n’iby’uko hashize imyaka irenga ibiri bamwe muri bo bangirijwe imitungo yabo n’ibikorwa byo gukwirakwiza amashanyarazi, bakizezwa ko bazishyurwa ariko amaso agahera mu kirere.

Ku ruhande rw’Ikigo gishinzwe gukwirakwiza amashanyarazi(REG)mu karere ka Gicumbi, bemeza koko ko hari imitungo y’abaturage yangijwe ariko bakavuga ko gutinda kwishyurwa byatewe n’uko Akarere ka Gicumbi katujuje dosiye zishyuza.

Nkundimfura Fulgence, Umuyobozi wa REG mu karere ka Gicumbi aganira na IGIHE yagize ati“ Ni byo koko icyo kibazo turacyizi ariko kuba baratinze kwishyurwa byatewe n’uko Akarere katinze kuzana ibyangombwa byose bisabwa kugira ngo REG ibone uko yishyura umuturage, ntekereza ko igihe cyose ibisabwa byabonekera, Ikigo cyahita cyishyura bariya baturage nta kibazo kuko hari n’abishyuwe ndavuga abari bujuje ibisabwa.”

Mu kiganiro abayobozi b’Akarere ka Gicumbi baheruka kugirana n’abanyamakuru mu mpera z’icyumweru gishize babajijwe iki kibazo bemeye ko habayeho gutinda ku ruhande rwabo ariko bavuga ko ubu kiri mubigiye kwihutishwa.

Mudaheranwa Juvenal, Umuyobozi w’Akarere ka Gicumbi, yagize ati“ Icyo kibazo koko twarakimenye, birashoboka ko habayeho kurangara kuko iyo urebye abaturage bavuga ko hashize imyaka ibiri cyangwa itatu batarahabwa ingurane zabo n’ikbazo gusa, ubu nababwira ko bitarenze uku kwezi kwa cumi tuzaba twamaze kuzuza ibisabwa bakishyurwa ikindi n’uko n’itegeko rishya rigena ibijyanye n’ingurane rigiye kujya ribikemura kuko noneho riteganya ko imirimo izajya itangira ari uko umuturage yamaze guhabwa ingurane yose.”

Imibare igaragaza ko abaturage bafite ibibazo by’uko batishyuwe imitungo yabo yangijwe n’ibikorwa byo gukwirakwiza amashanyarazi basaga magana atandatu.

Ibiro by'akarere ka Gicumbi

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved