Kwamamaza

Gen Kazura yagaragaje ko kwigira nyamwigendaho bikururira ibibazo Afurika

Yanditswe kuya 31-10-2016 saa 20:29' na Ntakirutimana Deus


Umuyobozi w’Ishuri Rikuru ry’Ingabo z’u Rwanda riri i Nyakinama, Maj Gen Jean Bosco Kazura arasaba ibihugu bya Afurika gukorera hamwe byirinda kuba nyamwigendaho kuko byagiye bibigiraho ingaruka mbi.

Maj Gen Kazura yabitangaje ku wa Mbere tariki ya 31 Ukwakira 2016, ubwo yatangizaga ku mugaragaro amahugurwa kuri porogaramu y’amasomo agenewe abasirikare, ahuriwemo n’abayobozi b’amashuri atanga ayo masomo mu bihugu bitandukanye bya Afurika.

Mu ijambo rye yibanze ku guhuza imbaraga, umusaruro bitanga n’akamaro bifitiye umugabane wa Afurika.

Yagize ati “Ntidukwiye guceceka mu gihe amahoro, ituze n’umutekano bikomeje guhungabanywa muri bimwe mu bihugu bya Afurika.”

Ibyo bijyanye no kumva amakuru y’ ibikorwa bitandukanye bihungabanya uburenganzira bwa muntu muri ibyo bihugu, birimo ubwicanyi ndengakamere n’ibindi.

Ati “Hari ibibigaragaza uyu munsi, dukunze kumva ibijyanye n’ubwicanyi n’ibindi bikorwa by’ubugome mu bihugu bivandimwe bya Afurika, nka Mali, Libye, Centrafrique, Sudani y’Epfo ndetse n’ibindi. Icyiza ni uko ibihe ibihugu byumvaga ko bishobora kubona ibisubizo by’ibibazo bifite biciye mu kuba nyamwigendaho byarangiye.”

Gen Kazura yavuze ko kugerageraza gushaka ibisubizo by’ibibazo bikomeye ibyo bihugu bihura na byo, birimo gukorera hamwe n’ibindi biciye mu kwihuza n’abafatanyabikorwa batandukanye ndetse n’umuryango mpuzamahanga.

Yakomeje avuga ko kugira ngo ibihugu bigere ku rwego rwo guhangana n’ibyo bibazo, hakenewe inzira imwe yo kwishyira hamwe no guhuza imbaraga hagati y’ibihugu bigize Afurika.

Yashimiye Leta Zunze Ubumwe za Amerika uburyo zikomeje kwitangira icyo gikorwa ndetse no kwifatanya n’ingabo zo mu bihugu byitabiriye ayo nahugurwa mu kuzongerera ubumenyi. Ibyo bikorwa ngo bigamije kongera umutekano muri Afurika no ku Isi muri rusange.

Aya mahugurwa azamara iminsi ibiri ahuje ingabo 93, bakazarebera hamwe uko bakongera ireme ry’ubumenyi bugenewe abasirikare mu buryo bwa kinyamwuga.

Muri bo harimo abagera kuri 60 bahagarariye porogaramu y’amasomo ya gisirikare, abarimu, abayobozi b’ingabo n’abandi.

Umuyobozi w’Ishuri Rikuru ry’Ingabo z’u Rwanda riri i Nyakinama, Maj Gen Jean Bosco Kazura(hagati) aganira na bagenzi be baturutse mu bindi bihugu
Umuyobozi ushinzwe ibikorwa bya Gisirikare n’imyitozo muri RDF, Brig Gen Murari Chris, aganira n’umusirikare waturutse hanze y’igihugu
Abasirikare bo muri Amerika bitabiriye amahugurwa baganira
Mu gikorwa cyo gutangiza ku mugaragaro amahugurwa y'iminsi ibiri arebana n'amasomo ya Gisirikare
Umuyobozi w’Ishuri Rikuru ry’Ingabo z’u Rwanda riri i Nyakinama, Maj Gen Jean Bosco Kazura atangiza ku mugaragaro aya mahugurwa
Ingabo zo mu bihugu bitandukanye zitabiriye aya mahugurwa mu ifoto rusange

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved